Good Bad Ugly Movie: நடிகர் அஜித்குமார் நடிப்பில் கடந்த 6ஆம் தேதி விடாமுயற்சி திரைப்படம் வெளியானது. பொதுவாக அஜித் திரைப்படம் என்றாலே அவர்களது ரசிகர்கள் திருவிழாவாக கொண்டாடுவர். அந்த வகையில் இத்திரைப்படம் நல்ல வரவேற்ப்பை பெற்றுள்ளது. இதையடுத்து அவரது நடிப்பில் குட் பேட் அக்லி திரைப்படம் வரும் ஏப்ரல் 10ஆம் தேதி திரையரங்குகளில் வெளியாக உள்ளது.
இப்படத்தில் அஜித் வித்தியாசமான கெட்டப்புகளில் காணப்படுகின்ற நிலையில், அடுத்தடுத்த போஸ்டர்கள் வெளியாகி ரசிகர்கள் கவனத்தை ஈர்த்து வருகிறது. இப்படத்தை ஆதிக் ரவிச்சந்திரன் இயக்கி உள்ளார். இவர் அஜித்துடன் நேர்கொண்ட பார்வை திரைப்படத்தில் நடித்துள்ளார்.
அஜித் ரசிகர்கள் கொண்டாட்டம்
பொதுவாக நடிகர் அஜித்குமாரின் திரைப்படம் வெளியாவதற்கு வருடங்கள் எடுக்கும். இந்த நிலையில், விடாமுயற்சி திரைப்படம் வெளியான இரண்டே மாதத்தில் 'குட் பேட் அக்லி' திரைப்படம் வெளியாக இருப்பதால் அவரது ரசிகர்கள் கொண்டாட்டத்தில் உள்ளனர். மேலும், விடாமுயற்சி திரைப்படம் கலவையான விமர்சனங்களையே பெற்ற நிலையில், குட் பேட் அக்லி திரைப்படத்தின் மீது ரசிகர்களுக்கு எதிர்பார்ப்பு அதிகரித்துள்ளது.
மேலும் படிங்க: கங்குவா படத்திற்கு பிறகு சிவா இயக்கும் படம்! அஜித் ஹீரோ இல்லை..வேறு யார் தெரியுமா?
இப்படத்தின் சூட்டின் மற்றும் டப்பிங் பணிகள் கடந்த ஆண்டு இறுதியிலேயே முடிந்தது. இதையடுத்து அஜித்குமார் துபாய் சென்று கார் ரேஸில் பங்கு பெற்றார். அதில் அவர் மூன்றாம் இடமும் பெற்று நாட்டிற்கு பெருமை சேர்த்தார். தற்போது, அவர் போர்சுக்கல் நாட்டில் நடைபெறும் கார் ரேஸில் பங்கு பெற்று உள்ளார். இந்த நிலையில், அப்படத்தின் ஸ்டண்ட் மாஸ்டர் சுரீம் சுந்தர் ஓர் பேட்டியில் இப்படம் குறித்து பேசியுள்ளார்.
விக்ஸ் அல்லது ஹால்ஸ் எடுத்துக்கொண்டுதான் செல்ல வேண்டும்
அவர், குட் பேட் அக்லி திரைப்படத்தை பார்க்க செல்லும் ரசிகர்கள் விக்ஸ் அல்லது ஹால்ஸ் எடுத்துக்கொண்டு தான் போக வேண்டும். அந்த அளவிற்கு கதை களம் மற்றும் காட்சிகள் ரசிகர்களை கவர்ந்து அவர்களை திரையரங்கில் கத்தி ரசிக்க செய்ய வைக்கும். விடாமுயற்சியை விட 10 மடங்கு ஆக்ஷன் காட்சிகள் குட் பேட் அக்லி திரைப்படத்தில் இருக்கும் என்றார். மேலும், விடாமுயற்சி திரைப்படத்திற்கு சுப்ரீம் சுந்தர் தான் ஸ்டண்ட் மாஸ்டர். அந்த வகையில் குட் பேட் அக்லி திரைப்படத்திற்கும் முழுமையான உழைப்பை கொடுத்துள்ளதாக அவர் தெரிவித்தார்.
ஆதிக் ரவிச்சந்திரன்: இயக்குனர் ஆதிக் ரவிச்சந்திரன் இயக்கத்தில் கடைசியாக வெளியான திரைப்படம் மார்க் ஆண்டனி. காமெடி மற்றும் அக்ஷன் திரைப்படமாக உருவான இத்திரைப்படம் மக்கள் மத்தியில் நல்ல வரவேற்பை பெற்றது. அந்த வகையில் 'குட் பேட் அக்லி' திரைப்படமும் காமெடி கலந்த அக்ஷன் திரைப்படமாக இருக்கும் என ரசிகர்களால் எதிர்பார்க்கப்படுகிறது.
மேலும் படிங்க: எதிர்பார்க்காத இயக்குநருடன் கைக்கோர்க்கும் தனுஷ்! படம் கண்டிப்பா ஹிட்தான்..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
