கார்த்திக் டயல் செய்த எண்ணுக்கு பிறகு இயக்குனர் கௌதம் மேனன் ஒரு சான்ஸ் கொடு என்னும் இசைப்பாடலினை வெளியிட்டுள்ளார். இந்த பாடலில் மேகா ஆகாஷ், சாந்தனு பாக்யராஜ் மற்றும் கலையரசன் நடித்துள்ளனர்.
கௌதம் மேனன், நாடு தழுவிய பூட்டுதலை மிகவும் பயனுள்ளதாக மாற்றும் ஒரு சில இயக்குநர்களில் ஒருவர். இதன் வெளிப்பாடாக சமீபத்தில் அவர் சிம்பு-த்ரிஷாவின் குறும்படமான கார்த்திக் டயல் செய்த எண் திரைப்படத்தை வெளியிட்டார். இதன் தொடர்சியாக தற்போது ‘ஒரு சான்ஸ் கொடு’ இசைப்பாடலை வெளியிட்டுள்ளார்.
வெளியானது கவுதம் மேனனின் "போதை கோதை" தனிப்பாடல்!...
மேகா ஆகாஷ், கலையரசன் மற்றும் சாந்தனு பாக்யராஜ் ஆகியோர் நடித்துள்ள இந்த ஆறு நிமிட பாடல் காதலில் இரண்டாவது வாய்ப்பு கோருவது பற்றியது. தவறான புரிதலால் பிரியும் மேகா ஆகாஷ் - சாந்தனு பாக்யராஜ் ஜோடியை நல்வார்த்தை கூறி சேர்த்து வைக்கும் நண்பராக கலையரசன். மூன்று கதாப்பாத்திரங்களின் உரையாடலாய் இந்த பாடல் படம்பிடிக்கப்பட்டுள்ளது.
கொரோனா வைரஸ் தொற்றின் பரவலைத் தடுப்பதற்காக நாடு தழுவிய பூட்டுதல் விதிக்கப்படுவதற்கு முன்னர் இந்த பாடல் கருத்தியல் செய்யப்பட்டது என்று கௌதம் மேனன் குறிப்பிட்டுள்ளார். ஒரு அறிக்கையில், திரைப்பட தயாரிப்பாளர் இந்த பாடலை எவ்வாறு படம் பிடித்தனர் என்றும் விளக்கியுள்ளார்.
பெரும் வரவேற்பை பெற்ற "மா" தற்போது தெலுங்கு மொழியில்!...
இதுகுறித்து அவர் மேலும் கூறுகையில்., "இந்த பாடல் முழுவதுமாக மொட்டை மாடியில் படமாக்கப்பட்டுள்ளது. இந்த பருவத்தில் மொட்டை மாடி அனைவருக்கும் ஒரு முக்கிய ஹேங்கவுட் இடமாக மாறியுள்ளது, மேலும் பார்வையாளர்கள் இதை உடனடியாக இணைத்துக்கொள்வார்கள் என்று நான் உணர்ந்தேன். நடிகர்களைத் தவிர, எங்கள் குழுவினர் 7 பேர் மட்டுமே, இது பொதுவான ஆர்வமுள்ள நண்பர்களைக் கூட்டிச் செல்வதைப் போன்றது. நடிகர்கள் எந்தவிதமான ஒப்பனையும் இல்லாமல், ஹேர்ஸ்டைலிங் மற்றும் உடைகளுடன் தாங்களாகவே தோன்றியிருக்கிறார்கள்.” என்று குறிப்பிட்டுள்ளார்.
பாடகர் கார்த்திக் இசையமைத்துள்ள ஒரு சான்ஸ் கொடுவின் பாடல் வரிகள் மதன் கார்கியால் எழுதப்பட்டது என்பது குறிப்பிடத்தக்கது.
