SuryaKumar Yadav: இந்தியா - இங்கிலாந்து அணிகளுக்கு இடையே டி20 தொடர் தற்போது நடைபெற்று வருகிறது. 5 போட்டிகள் கொண்ட டி20 தொடரில் தற்போது வரை 3 போட்டிகள் முடிவடைந்துள்ளன. அதில் இந்திய அணி 2-1 என்ற கணக்கில் முன்னிலை வகித்து வருகின்றது.
இந்திய அணி இன்று நடைபெற்று வரும் 4வது டி20 போட்டியில் வெற்றி பெற்றால் தொடரை கைபற்றி விடும். இந்த சூழலில் இந்திய அணியின் டி20 கேப்டன் சூர்யகுமார் யாதவ் பேட்டிங் குறித்து கேள்விகள் எழுந்து வருகின்றன.
சூர்யகுமார் யாதவ் சர்வதேச டி20-யில் பல சாதனைகளை செய்து வந்தாலும் கடந்த 5 இன்னிங்ஸ்களில் அவர் ஒருமுறை கூட 5 ரன்களை எட்டவில்லை. அதேபோல் கடந்த 15 இன்னிங்ஸில் அவர் இரண்டு முறை மட்டுமே அரைசதம் அடித்து இருக்கிறார்.
டக் அவுட் ஆன சூர்யகுமார் யாதவ்
இன்று (ஜன.31) நடைபெற்று வரும் போட்டியில் கூட அவர் டக் அவுட் ஆகி உள்ளார். இதனால் அவரை கேப்டன் பதவியில் இருந்து நீக்க வேண்டும் என விமர்சனங்கள் எழுந்து வருகிறது. இன்று இந்தியா - இங்கிலாந்து அணிகளுக்கு இடையே 4வது டி20 போட்டி நடைபெற்று வருகிறது. டாஸ் வென்ற இங்கிலாந்து அணி முதலில் பந்து வீச்சை தேர்வு செய்துள்ளது. அதன்படி பேட்டிங் செய்த இந்திய அணி 3 விக்கெட்களை இழந்து தடுமாறி வருகிறது. இதில் சஞ்சு சாம்சன் 1 ரன்னிலும், சூர்யகுமார் யாதவ் மற்றும் திலக் வர்மா டக் அவுட்டும் ஆகி உள்ளனர்.
துணை பயிற்சியாளர் பேட்டி
முன்னதாக செய்தியாளர்களை சந்தித்து பேசிய இந்திய அணியின் துணை பயிற்சியாளர் டென் டோசேட், சூர்யகுமார் யாதவ் பேட்டிங்கில் தன்னுடைய திறமையை பல முறை நிரூபித்து இருக்கிறார். டி20 வடிவை பொறுத்தவரை ஒரே மாதிரி ரன்கள் அடிப்பது மிகவும் கடினமான ஒன்று. நாங்கள் எங்கள் அணி வீரர்களிடம் களத்திற்கு சென்று அதிரடியாக விளையாடுங்கள். வேகமாக ரன்கள் குவியுங்கள் என்று தான் கூறுகிறோம்.
எனவே சில நேரங்களில் சொற்ப ரன்களில் ஆட்டம் இழக்க வாய்ப்பு உள்ளது. அப்படி ஒரு கட்டத்தில் தான் தற்போது சூர்யகுமார் யாதவ் இருக்கிறார். சூர்யகுமார் யாதவ் கடந்த ஆட்டத்தில் இரண்டு அபாரமான ஷாட்களை ஆடினார். எனவே அவர் ஃபார்மில் இல்லை என சொல்ல முடியாது.
நிச்சயம் ஃபார்முக்கு வருவார்
கண்டிப்பாக சூர்யகுமார் யாதவ் ரன்கள் குவிக்க அதிக போட்டியை எடுத்து கொள்ள மாட்டார். அவர் எங்கள் அணியின் கேப்டன். அதுமட்டுமல்லாது, பயிற்சியாளர் கவுதம் கம்பீர் இது போன்ற வீரர்களுக்கு அதிக வாய்ப்புகளை அளிப்பார். அவர் சிறந்த டி20 வீரர் ஆவார். எனவே அவரை பற்றில் எங்களுக்கு கவலை இல்லை என டென் டோசேட் கூறினார்.
மேலும் படிங்க: சச்சின் டெண்டுல்கருக்கு பிசிசிஐ-யின் வாழ்நாள் சாதனையாளர் விருது!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
