HDFC Bank FD rates: ఎఫ్​డీ రేట్లను పెంచిన హెచ్​డీఎఫ్​సీ బ్యాంక్​- కొత్త రేట్లు ఇవే..

HDFC Bank FD rates: దేశంలో అతిపెద్ద ప్రైవేటు బ్యాంక్ అయిన హెచ్​డీఎఫ్​సీ బ్యాంక్​ గుడ్​ న్యూస్ చెప్పింది. ఫిక్స్​డ్​ డిపాజిట్లపై (ఎఫ్​డీ) వడ్డీ రేట్లను పెంచినట్లు (HDFC Bank Hike interest rates on FDs) ప్రకటించింది.

హెచ్​డీఎఫ్​సీ బ్యాంక్​ వెబ్​సైట్ ప్రకారం.. రూ.2 కోట్ల లోపు డిపాజిట్లపై వడ్డీ రేట్లు పెరిగినట్లు తెలిసింది. రెండేళ్లకన్నా ఎక్కువ మెచ్యూరిటీ పీరియడ్ ఉన్న ఎఫ్​డీలకు మాత్రమే పెరిగిన వడ్డీ రేట్లు వర్తిస్తాయని కూడా  (HDFC Bank new Interest rates)వెల్లడైంది.

కొత్త ఎఫ్​డీ రేట్ల గురించి (HDFC Bank FD rates)..

పెరిగిన ఎఫ్​డీ రేటర్లు జనవరి 12 నుంచి అమలులో ఉంటాయని హెచ్​డీఎఫ్​సీ బ్యాంక్ పేర్కొంది.

2 ఏళ్ల నుంచి మూడేళ్ల వ్యధి ఉన్న ఎఫ్​డీపై 5.20 శాతం వడ్డీ రేటును ఇవ్వనుంది హెచ్​డీఎఫ్​సీ బ్యాంక్.

3-5 ఏళ్ల మెచ్యూరిటీ పీరియడ్ ఉన్న ఎఫ్​డీలపై వడ్డీరేటను 5.40 శాతానికి పెంచింది.

5-10 ఏళ్ల వరకు వ్యవధి ఉన్న ఫిక్స్​డ్​ డిపాజిట్లపై వడ్డీ రేటును ఏకంగా 5.60 శాతానికి పెంచుతూ నిర్ణయం తీసుకుంది హెచ్​డీఎఫ్​సీ బ్యాంక్​

రెండేళ్లకన్నా తక్కువ వ్యవధి ఉన్న ఎఫ్​డీలపై వడ్డీ రేట్లు ఇలా..

• 7-14 రోజుల వ్యవధి ఉండే ఎఫ్​డీపై వడ్డీ రేటు 2.50 శాతంగా ఉంది.
• 15-29 రోజుల పీరియడ్ గల ఎఫ్​డీలకు 2.50 శాతం వడ్డీ లభిస్తోంది.
• 30-45 రోజుల వ్యవధి ఉన్న ఫిక్స్​డ్ డిపాజిట్ల వడ్డీ రేటు 3 శాతం.
• 61-90 రోజుల కాల పరిమితి ఉన్న ఎఫ్​డీపై వడ్డీ రేటు 3 శాతంగా ఉంది.
• 91 రోజుల నుంచి 6 నెలల వ్యవధితో కూడిన ఎఫ్​డీకి వడ్డీ రేటును 3.5 శాతంగా నిర్ణయించింది బ్యాంక్.
• 6 నెలల 1 రోజు నుంచి 9 నెలల వరకు వ్యవధి ఉన్న ఎఫ్​డీపై వడ్డీ రేటు 4.4 శాతం.
• 9 నెలల 1 రోజు నుంచి ఏడాదిలోపు ఫిక్స్​డ్​ డిపాజిట్లపై కూడా వడ్డీ రేటు 4.4 శాతంగా ఉంచింది బ్యాంక్​.
• ఏడాది నుంచి రెండేళ్ల వరకు వ్యవధి ఉన్న ఎఫ్​డీపై వడ్డీ రేటు 5 శాతంగా నిర్ణయించింది హెచ్​డీఎఫ్​సీ బ్యాంక్​.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe