Manchu Lakshmi : నేను దానికి డబ్బులు చెల్లిస్తా.. కానీ ఏం ఉపయోగం.. మంచు లక్ష్మీ ట్వీట్ వైరల్

Manchu Lakshmi Twitter Blue Tick ప్రస్తుతం సోషల్ మీడియాలో ఓ చర్చ నడుస్తోంది. సెలెబ్రిటీల ఖాతాలకు ఉన్న బ్లూ టిక్‌ ఇప్పుడు ఎగిరిపోతోంది. ట్విట్టర్‌కు సంబంధించి ఎలన్ మస్క్ తీసుకొచ్చిన కొత్త రూల్స్‌లో భాగంగా ఇప్పుడు అందరికీ బ్లూ టిక్ ఎగిరిపోతోంది.

Manchu Lakshmi Twitter Blue Tick సోషల్ మీడియాలో బ్లూ టిక్‌ అనేది అధికారిక గుర్తు. బ్లూ టిక్ ఉన్న ఖాతాల నుంచి ట్వీట్ గానీ, పోస్ట్ గానీ పడితే అధికారికమని అర్థం చేసుకోవచ్చు. ఒకప్పుడు ఇలా ఎవరికీ పడితే వారికి బ్లూ టిక్ వచ్చేది కాదు. కానీ ఇప్పుడు అందరికీ బ్లూ టిక్ వస్తుంది. డబ్బులు కడితే బ్లూ టిక్ వస్తుంది. నెలకు కొంత చొప్పున చెల్లించకపోతే ఆ బ్లూ టిక్ కనిపించకుండా పోతుంది. ఇప్పుడు పెద్ద పెద్ద సెలెబ్రిటీలందరికీ బ్లూ టిక్ లేకుండా పోయింది.

అమితాబ్, చిరంజీవి దగ్గరి నుంచి అందరికీ ఈ బ్లూ టిక్ అనేది మాయమైంది. వారిది కూడా ఓ సాధారణ అకౌంట్‌లానే తయారైంది. ఈ విషయం మీద కుష్బూ నేటి ఉదయం నుంచి కూడా ట్వీట్లు చేస్తూనే ఉంది. ఎందుకు ఇలా చేస్తున్నారు.. నా అకౌంట్ యాక్టివ్‌ అని చూపిస్తోంది.. కానీ ఇలా బ్లూ టిక్ మాయమైంది అంటూ ఇలా తన వాదనను వినిపిస్తూ వస్తోంది.

I’ll pay for the blue tick but what am I getting for it? Can someone pls break it down or am I paying just for a blue tick next to my name?

— Manchu Lakshmi Prasanna (@LakshmiManchu) April 21, 2023

తాజాగా మంచు లక్ష్మీ ఈ బ్లూటిక్ గురించి స్పందించింది. తనకు కూడా బ్లూ టిక్ ఎగిరిపోవడాన్ని నిలదీసింది. నేన బ్లూ టిక్ కోసం డబ్బులు కడతాను.. కానీ దాని వల్ల నాకేం వస్తుంది.. ఎవరైనా నాకు వివరించి చెబుతారా?.. నా పేరు పక్కన కేవలం ఓ బ్లూ టిక్ వచ్చి చేరేతుందా? అందుకే డబ్బులు కట్టాలా? అని ప్రశ్నించింది మంచు లక్ష్మీ.

ఇక ఇప్పుడు సెలెబ్రిటీలంతా కూడా నెల నెలకు డబ్బు చెల్లించి తమ తమ బ్లూ టిక్‌ను నిలబెట్టుకుంటారా? లేదంటే లైట్ తీసుకుంటారా? అన్నది చూడాలి. ఎంత పెద్ద సెలెబ్రిటీ అయినా ఎంత మంది ఫాలోవర్లతో ఉన్నా కూడా బ్లూ టిక్ అనేది ఇప్పుడు కనిపించడం లేదు. మెల్లిగా ఒక్కొక్కరి ఖాతాకు ఈ బ్లూ టిక్ మాయం అవుతోంది. కుష్బూ అయితే ఈ బ్లూ టిక్ శతవిధాల ప్రయత్నం చేస్తున్నట్టుగా ఉంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.