Vishwak Sen Lady Getup So Hot In Laila Looks Goes Viral: ప్రయోగాత్మకంగా విశ్వక్‌ సేన్‌ తొలిసారి లేడీ గెటప్‌లో కనిపించాడు. లైలా అనే పాత్రలో మాస్‌ కా దాస్‌ విశ్వక్‌ సేన్‌ కనిపించడంతో ప్రేక్షకులు ఆశ్చర్యం వ్యక్తం చేశారు. లేడీ గెటప్‌లో విశ్వక్‌ సేన్‌ను గుర్తు పట్టలేని విధంగా ఉన్నాడు.
సినీ పరిశ్రమలో కష్టపడి పైకొచ్చి తొలి సినిమాతోనే తానేంటో నిరూపించుకున్న నటుడు మాస్‌ కా దాస్‌ విశ్వక్‌ సేన్‌. ప్రస్తుతం భారీ హిట్‌ కోసం తీవ్రంగా ఎదురుచూస్తున్నాడు.
విశ్వక్‌ సేన్‌ తాజాగా 'లైలా' అనే సినిమాతో ఫిబ్రవరి 14వ తేదీన ప్రేక్షకుల ముందుకు వస్తున్నాడు. రొటీన్‌ సినిమాలకు భిన్నంగా 'లైలా'తో కొత్త ప్రయత్నం చేశాడు.
రామ్‌ నారాయణ్‌ దర్శకత్వంలో సాహూ గారపాటి నిర్మాణంలో తెరకెక్కుతున్న 'లైలా' సినిమాలో విశ్వక్‌ సేన్‌ ఆడవేషంలో కనిపించాడు. తాజాగా విడుదలైన లుక్‌లో విశ్వక్‌ గెటప్‌ కనిపించింది.
ఆ గెటప్‌లో ఆడవాళ్లు.. తోటి హీరోయిన్లు ఈర్ష్య పొందేలా విశ్వక్‌ సేన్‌ ఉన్నాడు. పూర్తిగా ఆడపాత్రలో ఒదిగిపోయిన లైలాను చూస్తే అబ్బాయిలు నిద్రపట్టలేని స్థితిలో ఉంటారు.
తనకు సహజసిద్ధమైన సోను పాత్రలో విశ్వక్‌ మెరిశాడు. గతంలో విశ్వక్‌ చేసిన హిట్‌ ఫార్ములా కథగా ఇది ఉంది. కొద్దిగా బొద్దుగా కనిపించిన విశ్వక్‌ నటనలో మెరుగయ్యాడని కనిపిస్తోంది. హైదరాబాద్‌ పాతబస్తీ బ్యాక్‌గ్రౌండ్‌ నేపథ్యంలో ఈ కథ నడిచేటట్టు ఉంది. ఈ సినిమాతో విశ్వక్‌ తన కెరీర్‌లో భారీ హిట్‌ పొందనున్నట్లు సినీ వర్గాలు భావిస్తున్నాయి.
నీలి రంగు చీరలో విశ్వక్‌ సేన్‌ కనిపించాడు. చీర కట్టులో హాట్‌ హాట్‌గా కనిపించి కుర్రాళ్లు గుర్తుపట్టలేకపోతున్నారు. ఈ లుక్‌లో విశ్వక్‌ హీరోయిన్‌లకు గట్టి పోటీనిచ్చేలా ఉన్నాడు. ఈ ఫొటోలు నెట్టింట్లో హాట్‌ టాపిక్‌గా మారాయి.
ఈ సినిమా కోసం విశ్వక్‌ సేన్‌ తీవ్రంగా కష్టపడ్డాడని తెలుస్తోంది. కనుబొమ్మలు.. మీసాలు తొలగించడమే కాకుండా చేతికి ఉండే వెంట్రుకలు తీసేశాడు. అమ్మాయిలా కనిపించేందుకు విశ్వక్‌ పడిన కష్టం సినిమాపై అతడికి ఉన్న ఇష్టాన్ని చెబుతుందని చిత్రబృందం పేర్కొంది.
