Heroes Heights: తాము చేయబోయే సినిమాలలో పాత్రలను బట్టి బరువు పెరుగుతూ తగ్గుతూ ఉండే.. మన హీరోలు.. అసలు ఎంత ఎత్తు ఉంటారో ఎప్పుడైనా ఆలోచించారా? కొంతమంది స్టార్ హీరోల ఎత్తు ఒకసారి తెలుసుకుందాం.
స్టైలిష్ స్టార్, ఐకాన్ స్టార్ గా పేరు తెచ్చుకున్న.. నేషనల్ అవార్డు గ్రహీత అల్లు అర్జున్ 5'9" హైట్ ఉంటారు. మన జాబితా లో ఎత్తైన హీరో బన్నీనే అని చెప్పచ్చు. పుష్ప 2 తో బ్లాక్ బస్టర్ అందుకున్న అల్లు అర్జున్ త్వరలో త్రివిక్రమ్ దర్శకత్వంలో ఒక సినిమా చేయబోతున్నారు.
RRR తో గ్లోబల్ స్టార్ అయిన యంగ్ టైగర్ ఎన్టీఆర్ ఎత్తు 5'7". ఇక ఈ మధ్యనే దేవర సినిమాతో బ్లాక్ బస్టర్ అందుకున్న తారక్ దేవర రెండవ భాగంతో కూడా మరొక హిట్ అందుకోవడానికి రెడీ అవుతున్నారు.
మెగా పవర్ స్టార్ రామ్ చరణ్, తన ప్రాణ స్నేహితుడు జూనియర్ ఎన్టీఆర్ లాగానే 5'7" ఎత్తు ఉంటారు. రామ్ చరణ్ హీరోగా నటించిన గేమ్ చేంజర్ సినిమా మరి కొద్ది రోజుల్లో సంక్రాంతి సందర్భంగా విడుదల కాబోతోంది.
మన తెలుగు హీరోలతో పోలిస్తే తమిళ్ స్టార్ హీరో సూర్య ఎత్తు తక్కువ అని చెప్పాలి. సూర్య ఎత్తు కేవలం 5'5" మాత్రమే. సూర్య ఈ మధ్యనే హీరోగా నటించిన కంగువా సినిమా.. ప్రేక్షకులను ఆకట్టుకోవడంలో విఫలమైంది.
మిగతా హీరోలతో పోలిస్తే..ఒక నటుడిగా ఎంతో ఎత్తుకు ఎదిగిన విక్రమ్ నిజమైన ఎత్తు 5'6". విక్రమ్ హీరోగా నటించిన తంగలాన్ సినిమా ఈ మధ్యనే మంచి విజయాన్ని సాధించింది.
మన సౌత్లో మాత్రమే కాదు నార్త్ లో కూడా ఎత్తు తక్కువ ఉన్న హీరోలు ఉన్నారు. బాలీవుడ్ లోని ప్రముఖ ఖాన్ లలో ఒకరైన అమీర్ ఖాన్ కూడా సూర్య లాగానే 5'5" ఎత్తు ఉంటారు.
