Skin Care Tips: हेल्दी स्किन हवीये? फॉलो करा हे सोपे 5 स्किनकेअर
Easy skin Care Tips: सोप्या स्किनकेअर सवयी अंगीकारून, तुम्ही केवळ निरोगी आणि ताजीतवानी त्वचा मिळवत नाही, तर स्वतःवरचं प्रेमही दाखवत आहात.
)
How to Keep Skin Glowing: स्वतःवरचे प्रेम हे सर्व नात्यांचे मूलभूत तत्त्व आहे आणि आपल्या त्वचेची काळजी घेणे हा त्या प्रेमाचा सर्वात सोपा व जपणारा मार्ग आहे. जसे तुम्ही तुमच्या जवळच्या मित्राला, आईच्या मायेच्या मिठीला किंवा वडिलांच्या आधाराला जपता, तसेच तुमच्या त्वचेलाही प्रेम आणि कोमलतेची गरज आहे. सोप्या स्किनकेअर सवयी अंगीकारून, तुम्ही केवळ निरोगी आणि ताजीतवानी त्वचा मिळवत नाही, तर स्वतःवरचं प्रेमही दाखवत आहात. काल व्हॅलेंटाइन डेला, तुम्ही तुमच्या कुटुंबासोबत, मित्रांसोबत किंवा खास व्यक्तीसोबत प्रेम साजरे करत असाल, तसंच स्वतःलाही एक छोटं वचन द्या. एक वचन-स्वतःची काळजी घेण्याचे, पोषण करण्याचे आणि तुमच्या त्वचेवर काळजी घेऊन प्रेम करायचे. जॉय पर्सनल केअर (RSH ग्लोबल)च्या मुख्य विपणन अधिकारी पौलोमी रॉय यांच्याकडून जाणून घेऊयात सहज सोप्या स्किनकेअर टिप्स...
आर्द्रता टिकवणे
तुमच्या त्वचेची नैसर्गिक आर्द्रता टिकवून ठेवत अशुद्धता दूर करण्यासाठी सौम्य आणि हायड्रेटिंग क्लींझर वापरा. स्वच्छ त्वचा हे निरोगी त्वचेचे आधार आहे, जी ताजीतवानी आणि बॅलेन्स वाटते.
नियमित एक्सफोलिएशन करणे
आठवड्यातून एकदा सौम्य स्क्रबचा वापर करून मृत त्वच सेल्स काढून टाका आणि असमान पोत मऊ करा. ही साधी सवय त्वचेला मऊ ठेवते आणि स्किनकेअर उत्पादनांचे अधिक चांगले शोषण होण्यासाठी मदत करते.
काळजीपूर्वक टोनिंग करणर
क्लींझिंगनंतर, टोनर लावा, जेणेकरून त्वचेचा नैसर्गिक pH बॅलन्स पुनर्स्थापित होईल. हे छिद्र घट्ट करण्यात मदत करते आणि मॉइश्चरायझर प्रभावीपणे शोषण्यासाठी त्वचेची तयारी करते.
त्वचा हायड्रेट ठेवा
दररोज मॉइश्चरायझर लावा, जेणेकरून त्वचा मऊ आणि लवचिक राहील. चांगले मॉइश्चरायझर कोरडेपणा टाळते व दिवसभर त्वचेला आरामदायक ठेवते.
एसपीएफ लावणे
सूर्यप्रकाश नसला, तरीही सनस्क्रीन लावायला विसरू नका. दररोज ब्रॉड-स्पेक्ट्रम एसपीएफ लावा, ज्यामुळे हानिकारक यूव्ही किरणांपासून त्वचेचे संरक्षण होईल आणि अकाली वृद्धत्व व काळे डाग टाळता येतील.
'हे' लक्षात ठेवा
भरपूर पाणी प्या, फळे आणि भाज्यांनी भरपूर संतुलित आहार घ्या व पुरेशी विश्रांती घ्या. तणाव व्यवस्थापन हेही निरोगी त्वचा टिकवण्यासाठी महत्त्वाची भूमिका बजावते.