'... आणि महाराष्ट्राचा इतिहास बदलला असता'; छावा चित्रपट पाहिल्यावर जितेंद्र आव्हाडांची प्रतिक्रिया
Chhaava Movie Review: विकी कौशलची प्रमुख भूमिका असलेला छावा हा सिनेमा सिनेगृहात प्रदर्शित झाला आहे. या सिनेमाचे सर्वच स्तरातून कौतुक होत असताना जितेंद्र आव्हाड यांनीही प्रतिक्रिया दिली आहे.
)
Chhaava Movie Review: छत्रपती संभाजी महाराज यांच्या आयुष्यावर बेतलेला सिनेमा छावा प्रेक्षकांच्या भेटीला आला आहे. विकी कौशल, रश्मिका मंधाना आणि अक्षय खन्ना यांनी या सिनेमात प्रमुख भूमिका साकारल्या आहेत. छावा सिनेमाचे सर्वच स्तरातून कौतुक होत आहे. सिनेअभिनेते ते नेते मंडळींनीही छावा सिनेमा पाहण्यासाठी जात आहे. राष्ट्रवादी काँग्रेस (SP)चे आमदार जितेंद्र आव्हाड यांनीही छावा सिनेमा पाहिला असून कौतुकही केलं आहे. आव्हाडांनी एक्सवर पोस्ट करत सिनेमाबद्दल लिहलं आहे.
जितेंद्र आव्हाड यांनी त्यांच्या पोस्टमध्ये लिहलं आहे की, छत्रपती संभाजी महाराज यांच्या शौर्याचा आलेख असलेला ‘छावा’ सिनेमा आताच पाहिला. विकी कौशलचा अप्रतिम अभिनय, कलाकारांची उत्कृष्ट निवड, उत्कृष्ट दिग्दर्शन आणि चित्रिकरण, पटकथा- संवाद यामुळे हा सिनेमा खरंच छान झाला आहे. एक मात्र सत्य या सिनेमात दाखवलंय ते म्हणजे, छत्रपती संभाजी महाराज यांना औरंगजेब कधीच हरवू शकला नसता.”
पुढे त्यांनी म्हटलं आहे की, 'महाराष्ट्राला लागलेला शाप तेव्हाही जिवंत होता; तो म्हणजे गद्दारी. छत्रपती शिवाजी महाराजांच्या निर्वाणानंतर सातत्याने गद्दारी होत गेली ती छत्रपती संभाजी महाराजांच्या मरणापर्यंत! एकाही युद्धात औरंगजेब त्यांना हरवू शकला नाही. पण, अखेरीस स्वकियांनीच घात केला अन् संगमेश्वरला ते पकडले गेले. तिथे जर घात झाला नसता तर संगमेश्वरहून त्यांनी अकलूजला औरंगजेबाच्या छावणीवर चाल करून गेले असते अन् औरंगजेबाचा पराभव केला असता आणि महाराष्ट्राचा इतिहास बदलला असता. पण, महाराष्ट्राला गद्दारीने कायम शाप दिला आहे की दुहीचे बिजे इथे पाषाणावरही उगवतात.'
छत्रपती संभाजी महाराज यांच्या शौर्याचा आलेख असलेला 'छावा' सिनेमा आताच पाहिला. विकी कौशलचा अप्रतिम अभिनय, कलाकारांची उत्कृष्ट निवड, उत्कृष्ट दिग्दर्शन आणि चित्रिकरण, पटकथा- संवाद यामुळे हा सिनेमा खरंच छान झाला आहे. एक मात्र सत्य या सिनेमात दाखवलंय... ते म्हणजे, छत्रपती संभाजी… https://t.co/WQcptB49ZG
— Dr.Jitendra Awhad (@Awhadspeaks) February 14, 2025
छावा चित्रपटाने एका दिवसात किती कमावले?
छावा चित्रपट 14 फेब्रुवारी रोजी संपूर्ण देशात प्रदर्शित झाला. चित्रपट रिलीज होण्याआधीच तो हाउसफुल ठरला होता. तर पहिल्याच दिवशी या चित्रपटाने रेकॉर्डब्रेक कमाई केली आहे. छावा चित्रपटाने 33.1 कोटींपेक्षा जास्त कमाई केली आहे. तर, पहिल्याच आठवड्यात हा सिनेमा 100 कोटींच्या क्लबमध्ये सहभागी होणार असल्याचा अंदाज वर्तवण्यात येत आहे.