உடல் பருமன் நமது தோற்றத்தை பாழ்படுத்துவதோடு, உடல் ஆரோக்கியத்திற்கும் அச்சுறுத்தலாக அமைந்துவிடுகிறது. எனவே உடல் எடையை கட்டுக்குள் வைப்பது மிக அவசியம். உடல் எடை குறைய, உடற்பயிற்சியைத் தவிர, சிறந்த டயட் தேர்வு அவசியம். அனைத்து ஊட்டச்சத்துக்களும் நிறைந்த சமச்சீர் உணவை சாப்பிடுவதால், உடல் எடையை சிறப்பாக குறைக்கலாம்.
உடல் எடையை குறைக்க, புரதச்சத்து மற்றும் நார்ச்சத்து மிக அவசியம். புரதச்சத்து தசைகளை வலுவாக்கி, கூடுதல் கலோரிகளை எரிக்க உதவுகிறது. அதேபோன்று நார்ச்சத்து, உடலில் சேரும் கொழுப்பை இருக்கிறது. அதோடு நார்ச்சத்து, மலச்சிக்கலை போக்கி செரிமானத்தை மேம்படுத்தும். செரிமானம் சிறப்பாக இல்லை என்றால் எடை இழப்பு சாத்தியம் இல்லை.
இந்நிலையில் உடல் எடையை குறைக்க உதவும் சில சாலட் வகைகளை அறிந்து கொள்ளலாம். கீழே குறிப்பிட்டுள்ள சாலட் வகைகளை காலையில் சேர்த்துக் கொள்வது சிறப்பு. இதனால் நாள் முழுவதும் ஆற்றல் குறையாமல் இருக்கும். அடிக்கடி பசி எடுக்காமல் (Health Tips) இருக்கும். இதனால் அளவுக்கு அதிகமாக சாப்பிடுவதை தவிர்க்கலாம்.
முளைகட்டிய தானிய சால்ட்
முளைகட்டிய தானியங்கள் புரதம் மற்றும் நார்ச்சத்து நிறைந்தவை. பொதுவாகவே தானியங்களை முளை கட்டுவதால், அவற்றின் ஊட்டச்சத்து மதிப்பு இரட்டிப்பாகிறது. அதோடு ஜீரணிக்கவும் எளிதான உணவாக அமைகிறது. எனவே உடல் எடையை கட்டுப்படுத்த நினைப்பவர்கள், சாலடுகளை கட்டாயம் சேர்த்துக் கொள்ள வேண்டும். முளைகட்டிய தானிய சாலட்டை, பச்சையாக சாப்பிடுவதை விட வேகவைத்து சாப்பிடலாம். சுவைக்காக அதில் உப்பு எலுமிச்சை சாறு, கொத்தமல்லி தழைகள் சேர்த்து தயாரிப்பதால், அதன் ஊட்டச்சத்து மதிப்பும் கூடும்.
கொண்டைக்கடலை சாலட்
கொண்டைக்கடலை ஊட்டச்சத்தின் களஞ்சியம். இதில் புரதச்சத்து நார்ச்சத்து மட்டுமல்லாது வேறு பல சத்துக்களும் நிறைந்துள்ளன. இரவு முழுவதும் ஊறவைத்து கொண்டைக்கடலையை, வேகவைத்து, அதில் பொடியாக நறுக்கிய வெங்காயம் தக்காளி, வெள்ளரி, கொத்தமல்லி சேர்த்து, சிறிது உப்பு கலந்து சாப்பிடுவதால் உடலுக்கு தேவையான அனைத்து ஊட்டச்சத்துகளும் கிடைத்துவிடும்.
புரோக்கோலி சாலட்
மிகச்சிறந்த காய்கறி ஒன்றான ப்ரோக்கோலி, மூளை ஆரோக்கியம் முதல் கடுமையான நோய்களை தடுப்பது வரை, எண்ணற்ற ஆரோக்கிய நலன்களை கொண்டுள்ளது. ப்ரோக்கலி லேசாக வேகவைத்து, அதில் பொடியாக நறுக்கிய வெங்காயம் தக்காளி வெள்ளரி இவற்றைச் சேர்த்து, சிறிது உப்பு எலுமிச்சை சாறு கலந்து சாப்பிடலாம். வேக வைப்பதால் அதன் சத்துக்கள் அழிந்து விடும் என்பதை மனதில் கொள்ள வேண்டும். எனவே அளவோடு வேக வைக்க வேண்டும்.
மேலும் படிக்க | சுரைக்காய் உடன் இந்த 5 உணவுகளை சேர்த்து சாப்பிடாதீங்க...!
பொதுவாகவே பருப்பு மற்றும் காய்கறி கலந்த சாலட் ஒரு சமச்சீரான உணவாக இருக்கும். எனவே உடல் எடையை கட்டுப்படுத்த, மேலே குறிப்பிட்டுள்ள சாலட் வகைகளை, தவறாமல் உணவில் சேர்த்துக் கொள்ளவும். அதோடு, தேர்ந்தெடுக்கும் பிற உணவுகளும் ஆரோக்கியம் நிறைந்த உணவுகளாக இருக்க வேண்டும். என்றாவது ஒருநாள் எண்ணெயில் பொரித்த உணவுகளை சாப்பிடுவதால் தவறில்லை. ஆனால் தினமும் சாப்பிடுவது, உங்கள் எடை இழப்பு முயற்சியை பாழடித்து விடும். அதோடு சர்க்கரையும் அளவோடு இருக்க வேண்டும். ஐஸ்கிரீம் சாக்லேட் கேக் பிஸ்கட் ஆகியவற்றிலிருந்து விலகி இருக்க வேண்டும். அதோடு, தினமும் குறைந்தது அரை மணி நேர உடற்பயிற்சி அல்லது நடைப்பயிற்சி அவசியம்.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
மேலும் படிக்க | உடல் எடையை குறைக்க உதவும் தென்னிந்திய உணவுகள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
