கிட்னியில் பிரச்சனை இருப்பதை உணர்த்தும்.... சில எச்சரிக்கை அறிகுறிகள்

சிறுநீரக பாதிப்பை உணர்த்தும் எச்சரிக்கை அறிகுறிகளை ஆரம்ப நிலையிலேயே அடையாளம் கண்டுகொள்வது அவசியம். இந்த கட்டுரையில் சிறுநீரக செயல்பாடு பாதிக்கப்பட்டுள்ளதை உணர்த்தும் சில முக்கிய அறிகுறிகளைப் பற்றி அறிந்து கொள்ளலாம்.

சிறுநீரக பாதிப்பு அறிகுறிகள்:  சிறுநீரகம் பாதிக்கப்பட்டால், நச்சுகள் மற்றும் கூடுதல் திரவத்தை திறம்பட வடிகட்ட முடியாமல், உடல் ஆரோக்கியம் மோசமடையும். நீரிழிவு, உயர் இரத்த அழுத்தம், தொற்று அல்லது நாள்பட்ட சிறுநீரக நோய் போன்ற நிலைமைகளின் காரணமாக சிறுநீரக செயல்பாட்டில் பாதிப்பை ஏற்படலாம். 

சிறுநீரக பாதிப்பு பிரச்சனையை ஆரம்ப நிலையில் கண்டறிவது கடினம். இதன் அறிகுறிகள் பாதிப்பு அதிகமானால் மட்டுமே வெளியில் தெரியும். சிறுநீரகம் மோசமடைவதைத் தடுக்கவும், சிறுநீரக ஆரோக்கியத்தை சிறப்பாக பராமரிக்கவும், அதன் பாதிப்பை உணர்த்தும் எச்சரிக்கை அறிகுறிகளை ஆரம்ப நிலையிலேயே அடையாளம் கண்டுகொள்வது அவசியம். இந்த கட்டுரையில் சிறுநீரக செயல்பாடு பாதிக்கப்பட்டுள்ளதை உணர்த்தும் சில முக்கிய அறிகுறிகளைப் பற்றி  அறிந்து கொள்ளலாம்.

சிறுநீரக செயல்பாடு பாதிக்கப்பட்டுள்ளதை உணர்த்தும் சில அறிகுறிகள்

1. சோர்வு மற்றும் பலவீனம்

சிறுநீரகங்கள் சரியாக செயல்படாதபோது, ​​இரத்த ஓட்டத்தில் நச்சுகள் சேர்ந்து, சோர்வு ஏற்படுகிறது. இது தவிர, மோசமான சிறுநீரக செயல்பாடு இரத்த சோகையை ஏற்படுத்தும், ஏனெனில் சிறுநீரகங்கள் எரித்ரோபொய்டின் என்ற ஹார்மோனை உற்பத்தி செய்கின்றன, இது இரத்த சிவப்பணுக்களை உருவாக்க உதவுகிறது. உடலில் ஆக்ஸிஜன் சுழற்சி இல்லாததால், உடலுக்கு போதுமான ஆற்றல் கிடைக்காததால் தொடர்ந்து சோர்வாகவும் பலவீனமாகவும் (Health Tips) உணரலாம்.

2. சிறுநீர் தோற்றத்தில் மாற்றம்

சிறுநீரின் நிறம் அல்லது தன்மை மாறுவது சிறுநீரக பிரச்சனைகளின் ஆரம்ப அறிகுறியாக இருக்கலாம். அடிக்கடி சிறுநீர் கழிக்கலாம். நுரை, கருமை நிறம் அல்லது இரத்தக் கறை படிந்த சிறுநீர் கழித்தல் நல்ல அறியல்ல  சில சந்தர்ப்பங்களில், சிறுநீர் வெளியேற்றம் கணிசமாகக் குறையலாம். 

3. மூச்சுத் திணறல்

சிறுநீரக செயலிழப்பு நுரையீரலில் திரவத்தை சேர்த்து, மூச்சுத் திணறலை ஏற்படுத்தும். கூடுதலாக, இரத்த சிவப்பணுக்களின் உற்பத்தி குறைவதால் இரத்த சோகை ஆக்ஸிஜன் பற்றாக்குறையை ஏற்படுத்தும். இதனால் உடலில் ஆற்றல் குறைந்து அதீத சோர்வு ஏற்படும்.

4. அரிப்பு மற்றும் வறண்ட தோல்

மோசமாக செயல்படும் சிறுநீரகங்கள் இரத்தத்தில் இருந்து நச்சுகளை முழுமையாக அகற்ற இயலாத நிலையில் இருக்கும்., இது உடலில் நச்சுகள் சேர வழிவகுக்கும். இதனால், சருமத்தில் தொடர்ந்து அரிப்பு, வறட்சி மற்றும்  எரிச்சல் உணர்வு ஏற்படுத்தும். சிறுநீரக நோய் தாது சமநிலையின்மையையும் பாதிக்கலாம், இது பாஸ்பரஸ் அளவை அதிகரிக்க வழிவகுக்கிறது, இது சரும பிரச்சினைகளுக்கு காரணமாகிறது.

5. வாய் துர்நாற்றம்

மோசமான சிறுநீரக செயல்பாடு காரணமாக நச்சுகள் இரத்த ஓட்டத்தில் சேரும்போது, ​​​​அது யுரேமியா என்ற நிலைக்கு வழிவகுக்கும். இதன் காரணமாக, வாயில் உலோகச் சுவை மற்றும் வாய் துர்நாற்றம் போன்ற பிரச்சனைகள் அடிக்கடி ஏற்படலாம்.

6. கால்கள், கணுக்கால் அல்லது கைகளில் வீக்கம்

உடலில் இருந்து கூடுதல் திரவத்தை அகற்ற சிறுநீரகங்கள் உதவுகின்றன. அவற்றின் செயல் திறன் பாதிக்கும் போது, ​​திசுக்களில் திரவம் குவிந்து, வீக்கம் (எடிமா), குறிப்பாக பாதங்கள், கணுக்கால், கால்கள் மற்றும் சில நேரங்களில் கைகள் மற்றும் முகத்தில் ஏற்படுகிறது. இந்த வீக்கம் தொடர்ந்து காணப்பட்டால் சிறுநீரக செயல்பாடு குறைவதைக் குறிக்கிறது.

7. குமட்டல் மற்றும் வாந்தி

சிறுநீரக செயல்பாடு பாதிக்கப்பட்டதன் காரணமாக உடலில் நச்சுகள் சேர்ந்து குமட்டல் மற்றும் வாந்தியை ஏற்படுத்தும். இதனால் பசியின்மை மற்றும் எதிர்பாராத எடை இழப்பு ஆகியவை ஏற்படலாம்.

8. கவனம் செலுத்துவதில் சிரமம்

உடலில் நச்சுக்கள் சேர்வது, மூளையின் செயல்பாட்டை பாதித்து, கவன செலுத்துவதில் பிரச்சனைகள், நினைவாற்றல் இழப்பு மற்றும் குழப்பத்தை ஏற்படுத்தும். மோசமான சிறுநீரக செயல்பாடு உள்ள நபர்களுக்கு மூளை பாதிப்பு ஏற்படும் வாய்ப்பு அதிகம் உள்ளது.

பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!