STR 49 Movie Heroine : தமிழ் திரையுலகின் முக்கிய கதாநாயகனாக வலம் வருபவர் நடிகர் சிம்பு. வெயிட் போட்டு இருந்த இவர், சில ஆண்டுகளுக்கு தனது எடையை குறைத்து கம்-பேக் கொடுத்திருக்கிறார். இவர் புதிதாக நடிக்க இருக்கும் ஒரு படத்தில் அவருக்கு ஜோடியாக நடிக்க இருக்கும் நடிகை குறித்த தகவல் வெளியாகி வருகிறது.
நடிகர் சிம்புவின் படம்:
நடிகர் சிலம்பரசன், சமீபத்தில் தனது பிறந்தநாளை கொண்டாடினார். இந்த நாளில், இவரது படங்கள் குறித்த அதிகாரப்பூர்வ அறிவிப்புகள் வெளியானது. ஏற்கனவே வெளியான படங்களின் போஸ்டர்களும் வெளியிடப்பட்டன. இந்த நிலையில், சிம்பு புதிதாக கைக்கோர்த்திருக்கும் இயக்குநர் ராம் குமார் பாலகிருஷ்ணன். இவர், 2023-ல் வெளியான பார்க்கிங் படத்தை இயக்கி இருந்தார். இந்த படத்தை ஆகாஷ் பாஸ்கரன் தயாரிக்கிறார்.
இன்னும் பெயர் சூட்டப்படாத இந்த படத்தை ‘STR 49’ என்று குறிப்பிட்டு வருகின்றனர். ராம் குமாரின் பார்க்கிங் படம் பெரிய அளவில் வரவேற்பினை பெற்றதை தொடர்ந்து, இந்த படத்தின் மீதிருக்கும் எதிர்பார்ப்பும் தற்போது அதிகரித்து வருகிறது.
ஜோடி யார் தெரியுமா?
பொதுவாகவே, சிலம்பரசனின் படங்களில் அவருக்கு ஜோடியாக எந்த நடிகை நடிக்க போகிறார் என்பது குறித்த எதிர்பார்ப்பு அதிகமாக இருக்கும். கடைசியாக அவர் நடிப்பில் வெளியான பத்து தல படத்தில் அவருக்கு ஜோடியே கிடையாது. அந்த வகையில் அவரது 49வது படத்திலும் யார் அவருக்கு ஜோடி ஆகப்போகிறார் என்பது குறித்த தகவல் வெளியாகியிருக்கிறது. அந்த நடிகை வேறு யாருமில்லை, 32 வயதாகவும் நம்ம சாய் பல்லவிதான்.
அமரன் படத்திற்கு பிறகு புகழின் உச்சிக்கே சென்று விட்டார். இதற்கடுத்து இவருக்கு வரும் பட வாய்ப்புகளும் அவரது நடிப்பை தனித்துவப்படுத்தும் வகையிலேயே இருக்கின்றன. அப்படிதான், இவர் சிம்புவுடன் இணைந்து நடிக்க இருக்கும் படமும் இருக்கும் என எதிர்பார்க்கப்படுகிறது. இது குறித்த அதிகாரப்புர்வ தகவலுக்காக ரசிகர்கள் காத்துக்கொண்டுள்ளனர்.
முதன் முறையாக சேரும் ஜோடி..
நடிகை சாய் பல்லவி, முதன்முதலில் அறிமுகமானவே, மலையாள படமான பிரேமம் மூலமாகத்தான். இந்த படத்திற்கு பிறகு அவர் கொஞ்சம் கொஞ்சமாக தமிழில் நடிக்க தொடங்கினார். தெலுங்கிலும் சில சுட்டி பெண் ஹீரோயின் கதாப்பாத்திரங்களில் நடித்து விட்டார். தமிழில் சூர்யா, தனுஷ், சிவகார்த்திகேயன் ஆகியோருடன் ஜோடி சேர்ந்து நடித்த இவர் தற்போது முதன்முறையாக சிம்புவுக்கு ஜோடியாக இந்த படத்தில் நடிக்க இருப்பது குறிப்பிடத்தக்கது.
2 ஆண்டுக்கு பிறகு வெளியாக இருக்கும் படம்..
நடிகர் சிம்பு நடிப்பில் கடைசியாக பத்து தல படம் வெளியானது. இதற்கு அடுத்து, கடந்த 2 ஆண்டுகளாக எந்த படங்களுமே வெளியாகவில்லை. தற்போது கமல்ஹாசனுடன் சேரந்து தக் லைஃப் படத்தில் நடித்து வருகிறார். பத்து தல படமும் எதிர்பார்த்த அளவிற்கு பெரிய வெற்றியை பெற்றுத்தரவில்லை. இதையடுத்து கமல் தயாரிக்கும் ஒரு படத்தல் சிம்பு 2 வேடங்களில் நடிப்பதாக இருந்தது. ஆனால், நிதி நிலைமை காரணமாக அந்த படத்தின் தயாரிப்பு நின்று போனது. இதையடுத்து, அந்த கதையை வேறு ஒரு இயக்குநர் இயக்க இருப்பதாகவும், அதனை சிம்புவே தயாரிப்பதாகவும் கூறப்படுகிறது. இருப்பினும், இது குறித்த அதிகாரப்பூர்வ தகவல் இன்னும் வெளியாகவில்லை. சிம்புவை வைத்து அஷ்வத் மாரிமுத்து இயக்கும் படத்திற்கு காட் ஆஃப் லவ் என்று பெயர் வைக்கப்பட்டுள்ளது. இந்த படத்தின் மீதும் ரசிகர்களுக்கு அதிகளவில் எதிர்பார்ப்புகள் எழுந்துள்ளது.
மேலும் படிக்க | தன்னை விட 10 வயது குறைந்த நடிகையை காதலிக்கும் சிம்பு?! யார் அந்த நடிகை?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
