Post Office FD: வங்கிகளைப் போலவே, தபால் நிலையங்களிலும் பல்வேறு சேமிப்புத் திட்டங்கள் உள்ளன. அவற்றில் ஒன்று தபால் அலுவலக நேர வைப்புத்தொகை. இது பொதுவாக தபால் அலுவலக எஃப்டி என்றும் அழைக்கப்படுகின்றது. 1 முதல் 5 ஆண்டுகள் வரையிலான கால அவகாசம் கொண்ட FD விருப்பங்கள் தபால் அலுவலகத்தில் கிடைக்கின்றன. 5 வருட நிலையான வைப்புத்தொகைக்கு 7.5 சதவீத வட்டி வழங்கப்படுகிறது. இதனுடன், வருமான வரிச் சட்டம் 80C இன் கீழ் வரிச் சலுகைகளும் கிடைக்கின்றன.
Post Office Time Deposit Scheme
முதலீட்டாளர்கள் இந்த திட்டத்தின் மூலம் வெறும் வட்டியின் மூலமே அசல் தொகையை விட இரண்டு மடங்கு அதிகமாக பணம் ஈட்டலாம். இதற்கு என்ன செய்ய வேண்டும்? முழுமையான கணக்கீட்டை இங்கே காணலாம்.
Post Office FD: அதிக லாபம் ஈட்ட என்ன செய்ய வேண்டும்?
தபால் அலுவலகத்தில் உங்கள் பணத்தை மூன்று மடங்காக அதிகரிக்க, நீங்கள் 5 வருட நிலையான வைப்புத்தொகையைத் தேர்வு செய்ய வேண்டும். இந்தத் திட்டத்தில் முதலீடு செய்து, அது முதிர்ச்சியடைவதற்கு முன்பு அதை நீட்டிக்க வேண்டும். இந்த நீட்டிப்பை நீங்கள் தொடர்ச்சியாக இரண்டு முறை செய்ய வேண்டும். அதாவது நீங்கள் இந்த FD-ஐ 15 ஆண்டுகளுக்கு செயலில் வைக்க வேண்டும்.
10 லட்ச ரூபாய் முதலீட்டில் 20 லட்சத்துக்கும் அதிகமான வட்டி
இந்த FD-யில் நீங்கள் ரூ.10 லட்சம் முதலீடு செய்தால், 7.5 சதவீத வட்டி விகிதத்தில், 5 ஆண்டுகளில் இந்தத் தொகைக்கு ரூ.4,49,948 வட்டி கிடைக்கும். இந்த வழியில் மொத்த தொகை ரூ.14,49,948 ஆக இருக்கும். ஆனால் நீங்கள் இந்தத் திட்டத்தை 5 ஆண்டுகளுக்கு நீட்டித்தால், உங்களுக்கு வட்டியாக மட்டும் ரூ.11,02,349 கிடைக்கும்.
10 ஆண்டுகளுக்குப் பிறகு உங்கள் மொத்தத் தொகை ரூ.21,02,349 ஆக மாறும். அது முதிர்ச்சியடைவதற்கு முன்பு நீங்கள் அதை மீண்டும் ஒரு முறை நீட்டிக்க வேண்டும். அந்த நிலையில், 15வது ஆண்டில், ரூ.10 லட்சம் முதலீட்டிற்கு வட்டியில் மட்டும் ரூ.20,48,297 -ஐப் பெறுவீர்கள்.
முதிர்ச்சியின் போது ரூ.30,48,297 கிடைக்கும்
இந்த வழியில், நீங்கள் முதிர்ச்சியின் போது மொத்தம் ரூ.30,48,297 பெறுவீர்கள். அதாவது, உங்கள் அசலை விட இரண்டு மடங்கு அதிகமான வட்டியைப் பெறுவீர்கள். இதுமட்டுமல்லாமல் உங்கள் தொகை மூன்று மடங்காக அதிகரிக்கும்.
கணக்கு நீட்டிப்பை இப்படி செய்ய வேண்டும்
- தபால் அலுவலக 1 வருட நிரந்தர வைப்புத்தொகையை முதிர்வு தேதியிலிருந்து 6 மாதங்களுக்குள் நீட்டிக்க முடியும்.
- 2 வருட நிரந்தர வைப்புத்தொகையை முதிர்வு காலத்திலிருந்து 12 மாதங்களுக்குள் நீட்டிக்க முடியும்
- 3 மற்றும் 5 வருட நிரந்தர வைப்புத்தொகையை நீட்டிக்க, முதிர்வு காலத்திலிருந்து 18 மாதங்களுக்குள் அஞ்சல் அலுவலகத்திற்குத் தெரிவிக்க வேண்டும்.
- இது தவிர, கணக்கைத் திறக்கும் போது முதிர்வுக்குப் பிறகு கணக்கை நீட்டிக்கக் கோரிக்கை விடுக்கலாம்.
- முதிர்வு நாளில் அந்தந்த TD கணக்கிற்குப் பொருந்தும் வட்டி விகிதம் நீட்டிக்கப்பட்ட காலத்திற்குப் பொருந்தும்.
Fixed Deposit Interest Rate: மீதமுள்ள தபால் அலுவலக நிலையான வைப்புத்தொகைகளுக்கு எவ்வளவு வட்டி கிடைக்கிறது?
வெவ்வேறு தபால் அலுவலக நிலையான வைப்புத்தொகைகளுக்கு வெவ்வேறு வட்டி விகிதங்கள் கிடைக்கின்றன. 1 வருட FD-க்கு ஆண்டுக்கு 6.90% வட்டியும், 2 வருட FD-க்கு ஆண்டுக்கு 7.00% வட்டியும், 3 வருட FD-க்கு ஆண்டுக்கு 7.10% வட்டியும், 5 வருட FD-க்கு ஆண்டுக்கு 7.50% வட்டியும் வழங்கப்படுகிறது.
மேலும் படிக்க | PPF Calculator: மாதம் ரூ.1,20,000 வரி இல்லா நிரந்தர வருமானத்தை பெறுவது எப்படி?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
