Priyanka Gandhi Latest News in Tamil: கேரளா இடைத்தேர்தல் முடிவுகள் 2024: கேரளாவில் நடந்த மூன்று இடைத்தேர்தல்களான வயநாடு மக்களவை மற்றும் பாலக்காடு மற்றும் செலக்கரா சட்டமன்ற தொகுதிகளின் வாக்கு எண்ணிக்கை தொடங்கியது. முதலில் தபால் வாக்குகள் எண்ணப்பட்ட நிலையில், தேர்தலில் முதல் முறையாக களம் இறங்கி உள்ள காங்கிரஸ் தலைமையிலான UDF வேட்பாளர் பிரியங்கா காந்தியை சுற்றி எதிர்பார்ப்பு உருவாகியுள்ளது. அவர் சிபிஐ(எம்) தலைமையிலான எல்டிஎஃப் கட்சியின் சத்யன் மொகேரி மற்றும் பிஜேபி தலைமையிலான என்டிஏவின் நவ்யா ஹரிதாஸ் உட்பட பலரிடமிருந்து கடுமையான போட்டியை எதிர்கொள்கிறார்.
இந்த இடைத்தேர்தலில் காங்கிரஸ் வெற்றி பெற்றால் இந்தியா கூட்டணிக்கு பலம் கிடைக்குமா? தனிப்பட்ட முறையில் காங்கிரஸ் கட்சிக்கு என்ன லாபம்? என்பதை குறித்து பார்ப்போம்.
இந்தியா கூட்டணிக்கு பலமா?
இந்த இடைத்தேர்தல்கள் மாநில நிர்வாகத்தை நேரடியாகப் பாதிக்காது என்றாலும், காங்கிரஸுக்கு, குறிப்பாக ஹரியானாவில் அதன் சமீபத்திய போராட்டங்களுக்குப் பிறகு, ஒரு முக்கியமான லிட்மஸ் சோதனையில் காங்கிரஸ் கட்சி உள்ளது. வெற்றி பெறுவதன் மூலம் இந்தியா கூட்டணிக்கு சற்று பலம் கிடைக்கலாம்.
வயநாடு இடைத்தேர்தல்
இந்த இடைத்தேர்தலில் காங்கிரஸ் வேட்பாளர் பிரியங்கா காந்தி வெற்றி பெறுவதன் மூலம் விவசாயிகளின் சவால்கள் மற்றும் நிலச்சரிவில் பாதிக்கப்பட்டவர்களின் மறுவாழ்வு போன்ற உள்ளூர் பிரச்சினைகளில் கவனம் செலுத்தலாம். அதே வேளையில், தேசிய அரசியலைக் கவனத்தில் கொண்டு பிரியங்காவின் பிரச்சாரத்தில் கட்சி பெருமளவில் முதலீடு செய்துள்ளது.
பிரியங்கா காந்தியின் வெற்றி எவ்வளவு முக்கியத்துவம் வாய்ந்தது?
தேர்தல் அரசியல் அரங்கில் அடியெடுத்து வைத்த அவரது செயல்பாடு, கட்சிக்குள் அவரது நிலைப்பாட்டை உறுதிப்படுத்தலாம் அல்லது அவரது அரசியல் நம்பகத்தன்மையை முன்னோக்கி நகர்த்துவது குறித்து கட்சி ஆலோசனை செய்யலாம். அவரது சகோதரர் ராகுல் காந்தி முன்பு வயநாடு தொகுதியில் இருந்ததால், காங்கிரஸுக்கும் அதன் தலைமைக்கும் மறுக்க முடியாத அளவுக்கு பங்கு உள்ளது.
வயநாடு மக்களவைத் தொகுதி வாக்கு எண்ணிக்கை
கேரளாவின் வயநாடு மக்களவைத் தொகுதியில் இன்று (சனிக்கிழமை) நடைபெற்று வரும் வாக்கு எண்ணிக்கையின் ஆரம்பத்தில் காங்கிரஸ் தலைமையிலான யுடிஎஃப் வேட்பாளர் பிரியங்கா காந்தி வத்ரா முன்னிலையில் இருப்பதாக பல்வேறு தொலைக்காட்சி சேனல்கள் தெரிவிக்கின்றன, இருப்பினும் தேர்தல் ஆணையத்திடம் இருந்து அதிகாரப்பூர்வ அறிவிப்பு இல்லை.
பிரியங்கா காந்தி வத்ரா முன்னிலை
கேரளாவின் வயநாடு மக்களவை இடைத்தேர்தலில் பதிவான வாக்குகள் எண்ணப்பட்டு ஒரு மணி நேரம் நிறைவடைந்த நிலையில், காங்கிரஸ் தலைமையிலான யுடிஎஃப் வேட்பாளர் பிரியங்கா காந்தி வத்ரா 35,000 வாக்குகள் வித்தியாசத்தில் முன்னிலையில் உள்ளார் என பிடிஐ ஊடகம் தெரிவித்துள்ளது.
மேலும் படிக்க - Election Results 2024: மகாராஷ்டிரா, ஜார்க்கண்டில் பாஜக கூட்டணி முன்னிலை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
