ராஜஸ்தான் மற்றும் பீகார் மாநிலத்துக்கு புதிய பா.ஜ.க. தலைவர்களை தேசிய தலைவர் அமித் ஷா நியமித்துள்ளார்!!
பாராளுமன்ற தேர்தலுக்கு பின்னர் நாடு முழுவதும் நிர்வாகிகள் மாற்றம் மற்றும் புதிய நிர்வாகிகள் நியமனங்களை பாஜக தலைமை செய்து வருகிறது. அவ்வகையில், ராஜஸ்தான் மற்றும் பீகார் மாநிலத்துக்கு புதிய தலைவர்களை பா.ஜ.க. தேசிய தலைவர் அமித் ஷா இன்று நியமனம் செய்துள்ளார்.
ராஜஸ்தான் மாநில தலைவராக சதிஷ் புனியா மற்றும் பீகார் மாநில தலைவராக சஞ்சய் ஜெய்ஸ்வால்ஆகியோர் நியமிக்கப்பட்டுள்ளனர். பீகார் மாநிலத்தில் விரைவில் சட்டசபை தேர்தல் நடைபெறவுள்ள நிலையில் அங்கு முதல் மந்திரி நிதிஷ் குமாருடன் கூட்டணி அமைத்து பாஜக தேர்தலை சந்திக்கவுள்ளது குறிப்பிடத்தக்கது.
भाजपा राष्ट्रीय अध्यक्ष श्री अमित शाह ने डॉ. संजय जायसवाल, सांसद को बिहार भाजपा का प्रदेश अध्यक्ष, श्री सतीश पूनिया, विधायक को राजस्थान भाजपा का प्रदेश अध्यक्ष और श्री अजय कुमार को भाजपा उत्तराखण्ड का प्रदेश महामंत्री (संगठन) नियुक्त किया। pic.twitter.com/cJiIR1WYn6
— BJP (@BJP4India) September 14, 2019
ராஜஸ்தான் மாநில தலைவர் மதன் லால் சைனி இறந்ததிலிருந்து பதவி காலியாக இருந்தது. அவர் ஒரு ராஜ்யசபா எம்.பி.யாகவும் இருந்தார், ஜூன் மாதம் எய்ம்ஸில் தனது 75 வயதில் இறந்தார். தவிர, பாஜகவின் உத்தரகண்ட் பிரிவின் பொதுச் செயலாளராக (அமைப்பு) அஜய் குமாரையும் கட்சி மத்திய தலைமை நியமித்தது.
கட்சித் தலைவர் அமித் ஷா ஒப்புதல் அளித்ததை அடுத்து அனைத்து நிறுவன நியமனங்களையும் பாஜக பொதுச் செயலாளர் அருண் சிங் அறிவித்தார்.
