Weight Loss Journey: உடல் பருமனால் பாதிக்கப்பட்டிருந்த நபர்கள், எப்படி தங்களது உடல் எடையை குறைத்தார்கள் என்ற அவர்களின் அனுபவத்தை இன்ஸ்டாகிராம், பேஸ்புக், யூ-ட்யூப் என பல்வேறு சமூக வலைதலங்களிலும் வீடியோக்களாக பதிவிட்டு பகிர்ந்து வருவதை நீங்களே பார்த்திருப்பீர்கள்.
இதுபோன்ற வீடியோக்களை அப்படியே பின்பற்ற வேண்டும் என்றில்லை. உங்களுக்கு ஏற்ற உடல் எடை குறைக்கும் முறை என்ன என்பதை மருத்துவ நிபுணர்களிடம் சென்று ஆலோசனை பெற்ற பின்னர் மேற்கொள்ள வேண்டும். அதுவே சரியானதாகும். அந்த வகையில், சமூக வலைதளங்களில் வரும் உடல் எடை குறைப்பு வீடியோக்கள் அனைத்தும் உங்களுக்கு நம்பிக்கை அளிக்கக்கூடியதாகும்.
Weight Loss Journey: 50 கிலோவை குறைத்த பெண்
குறிப்பாக உடல் எடையை ஒரே நாளிலோ, ஓவர்நைட்டிலோ குறைத்துவிட முடியாது. டக்குனு, பட்டுனு உடல் எடையை குறைக்க ஆயிரம் டிப்ஸ்கள் சொல்லப்பட்டாலும் நிதானமாக உடல் எடையை குறைப்பதே ஆரோக்கியமானதாகவும் கூறப்படுகிறது. நீங்கள் ஒவ்வொரு நாளும் உடல் எடையை குறைக்க தொடர்ச்சியாக செயலாற்ற வேண்டும்.
மேலும் படிக்க | 25 கிலோ எடை குறைந்த அஜித் குமார்! எப்படி தெரியுமா? ரகசியத்தை சொன்ன ஆரவ்..
அப்படியிருக்க சண்டிகர் நகரை சேர்ந்த பெண் ஒருவர் 129 கிலோவில் இருந்து 89 கிலோவை வரை உடல் எடையை குறைத்த அனுபவத்தை பகிர்ந்துள்ளார். பல உடல்நலப் பிரச்னைகள் இருந்தும் கட்டுக்கோப்பான மற்றும் சமச்சீர் ஊட்டச்சத்து கொண்ட உணவுகளை சாப்பிட்டே 50 கிலோவுக்கும் மேல் உடல் எடையை குறைத்திருக்கிறார்.
Weight Loss Journey: அனுபவத்தை பகிர்ந்த சுஷ்மிதா கௌதம்
சுஷ்மிதா கௌதம் என்ற அந்த பெண் தனது உடல் எடை குறைப்பு அனுபவத்தை மட்டுமின்றி, அதில் அவர் மேற்கொண்ட உணவுப் பழக்கவழக்கம் குறித்தும் பகிர்ந்துள்ளார். சிறுவயதில் ஆரோக்கியமாக இருந்த அவருக்கு பிற்காலத்தில், தைராய்டு மற்றும் PCOD போன்ற உடல்நலப் பிரச்னைகள் வந்ததால், உடல் எடை அதிகரித்துள்ளது. இதில் இருந்து எப்படி உடல் எடையை குறைத்தார் என்பதை பேட்டி ஒன்றில் கூறியுள்ளார்.
அதில்,"கடுமையான உணவுப்பழக்கவழக்கத்தை பின்பற்றியும் 2-3 கிலோ உடல் எடையே குறைந்தது. ஜிம்முக்குச் சென்றாலும் உடல் எடை குறையவில்லை. சர்க்கரை மற்றும் கெட்ட கார்ப்போஹைட்ரேட்ஸ்களையும் நிறுத்திவிட்டேன்.
Weight Loss Journey: தண்ணீர் எவ்வளவு குடிக்கலாம்?
அதன்பின்னர் முதல் மாதத்திலேயே 3-4 கிலோவை குறைத்தேன். உடல் எடை குறைவதை எனக்கு மகிழ்ச்சியை கொடுத்தது. உடல் எடை குறைய வேண்டும் என்றால் தண்ணீரை நிறைய குடிக்க வேண்டும் என பலரும் கூறுவார்கள். அது குளிர்ந்த தண்ணீரோ, சுடு தண்ணீரோ அளவு குறித்து யோசிக்கவே வேண்டாம். உங்கள் உடலுக்கு தேவைப்படும் அளவுக்கு தண்ணீரை எடுத்துக்கொள்ளுங்கள்" என்றார்.
மேலும், தினமும் காலையில் எழுந்த உடன் 2 லிட்டர் தண்ணீர் குடிப்பேன் என்றும் காலை 9 மணிக்கு காலை உணவையும், மதியம் 2 மணிக்குள் மதிய உணவையும் முடித்துக்கொள்வதாகவும் அவர் கூறினார். சிறிது இடைவெளிக்கு பின் தேநீர் அருந்துவாராம்.
Weight Loss Journey: உடல் எடையை குறைக்க உதவிய உணவுகள்
மாலை ஸ்நாக்ஸாக பன்னீர் அல்லது நட்ஸை எடுத்துக்கொள்வாராம். அவர் உடல் எடையை குறைக்க புரதச்சத்து உணவுகளையும் அதிக சேர்த்ததாக கூறுகிறார். அதாவது பன்னீர், டோஃபு, பாசிப்பயறு உள்ளிட்ட உணவுகளை அவர் அடிக்கடி சேர்த்துக்கொள்வாராம். அதுவே உடல் எடையை குறைக்க உதவியதாக தெரிவித்தார். மேலும் இவர் இன்ஸ்டாகிராமில் இதுகுறித்த வீடியோவையும் அவர் தொடர்ந்து பதிவிட்டு வருகிறார்.
(பொறுப்பு துறப்பு: இந்த கருத்துக்கள் அனைத்தும் அவரது உடல் எடை குறைப்பு சார்ந்த அனுபவம் மட்டுமே. இதனை நீங்கள் பின்பற்றுவதற்கு முன் உரிய மருத்துவ ஆலோசனை பெறுவது நல்லது. இதனை ஜீ நியூஸ் (Zee Tamil News) உறுதிசெய்யவில்லை)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
