தாய் பாசம்னா இதுதான்... சிங்கத்துடன் ஒத்தைக்கு ஒத்தை மோதிய சிறுத்தை - வைரல் வீடியோ

Cheetah vs Lion Viral Video: தனது குட்டிகளை தாக்க வரும் சிங்கத்திடம், தாய் சிறுத்தை உயிரைக் கொடுத்து சண்டையிடும் வீடியோ தற்போது சமூக வலைதளங்களில் வைரலாக பரவி வருகிறது.

Cheetah vs Lion Viral Video Latest: இந்த உலகில் தாய் பாசத்தை விட உயர்ந்து ஒன்று இருக்க முடியாது என்பது பலரின் கூற்றாக இருக்கிறது.  குழந்தையின் நலனுக்காக எந்த எல்லைக்கும் ஒரு தாய் செல்வார் என்பதையும் யாராலும் மறுக்க முடியாது. அந்த வகையில், அந்த தாய்மையின் அன்பையும், தைரியத்தையும் எடுத்துக்காட்டும் வகையில் விலங்குகளின் வீடியோ தற்போது இணையத்தில் வைரல் ஆக பரவி வருகிறது. தனது இரண்டு குட்டிகளை தாக்க வரும் சிங்கத்தை, தாய் சிறுத்தை ஒன்று ஒத்தைக்கு ஒத்தை மோதும் காட்சிகள் இணையத்தில் பலரையும் வியக்க வைத்திருக்கிறது. 

கிழக்கு ஆப்பிரிக்கா நாடான டான்ஸானியாவின் செரெங்கேட்டி தேசிய பூங்காவில் இந்த சம்பவம் நடந்துள்ளது. ஆப்பிரிக்க நாடுகளில் சுற்றுப்பயணம் மேற்கொண்டு வரும் காரோல் மற்றும் பாப் ஆகிய இணையர் அங்கு இந்த காட்சியை பதிவு செய்துள்ளனர். LatestSightings என்ற யூ-ட்யூப் சேனல் இந்த வீடியை பதிவிட்டுள்ளது. அக்டோபர் 24ஆம் தேதி பதிவிடப்பட்ட இந்த வீடியோ 21 லட்சத்திற்கும் அதிகமான வியூஸை பெற்றிருக்கிறது. தாய் சிறுத்தை தனது குட்டிகளை எந்த எல்லைக்கும் சென்று காப்பாற்றுவது இதில் பதிவாகியிருக்கிறது.

தன்னலமற்ற செயல்

அந்த யூ-ட்யூப் சேனலில் அந்த வீடியோவின் கேப்ஷனில்,"தாய் சிறுத்தை, தனது குட்டிகளை தாக்க வரும் சிங்கத்திற்கு ஒரு சிறிய வாய்ப்பை கூட வழங்காமல் சண்டையிடுகிறது. வனத்தில் மிக புத்திசாலித்தனமான மற்றும் தன்னலமற்ற செயல்களில் இதுவும் ஒன்றாக இருக்கும். இதை எப்படி அந்த தாய் சிறுத்தை செய்தது என்பது நம்மால் யோசிக்க கூட முடியவில்லை" என குறிப்பிடப்பட்டுள்ளது.

காரோல் மற்றும் பாப் இருவரும் ஒரு வன அதிகாரியுடன் அந்த செரெங்கேட்டி தேசிய பூங்காவில் அதிகாலை பொழுதில் ஜீப்பில் சஃபாரி செய்துள்ளனர். அவர்கள் சென்ற அந்த இடத்தில் சிறுத்தைகள் நடமாட்டம் இருப்பது அந்த அதிகாரிக்கு தெரிந்திருக்கிறது. எனவே அவர் அவர்களை அங்கு அழைத்துச் சென்ற நிலையில், அங்கு சிறுத்தைகள் அவர்களின் கண்களுக்கு சிறந்த தருணத்தில் அகப்பட்டுள்ளது. இந்த சம்பவம் நடப்பது முன்பே அங்கு சிறுத்தை இருப்பதையும், அதற்கு இரண்டு குட்டிகள் இருப்பதையும் அவர்கள் அறிந்துள்ளனர். 

சம்பவத்தை நேரில் பார்த்தவர் கூறியவை...

திடீரென அந்த சிறுத்தை அங்கிருந்த பாறையில் வந்து நின்றிருக்கிறது இதன்பின்னரே இந்த சம்பவம் நடந்திருக்கிறது. இதுகுறித்து அந்த பெண்மணி காரோல் கூறுகையில்,"அதன் குகையில் இருந்து சிறுத்தை வெளியே வந்து நின்றது. அப்போது எனது கணவர் சற்று தூரத்தில் பெண் சிங்கம் ஒன்ற வருவதை கண்டார். நாங்கள் அமைதியாக இருந்து அங்கு என்ன நடக்கிறது என்பதை பார்த்தோம். முதலில், சிறுத்தையும் சிங்கமும் அருகருகில் வராது என்றே நினைத்தோம், ஆனால் அந்த பெண் சிங்கம் சிறுத்தையை நோக்கி வந்துகொண்டே இருந்தது" என அந்த சம்பவத்தை விவரித்தார். 

அந்த சிங்கம் அங்கு வந்ததும் சிறுத்தை கீழே குதித்து உடனடியாக அதனுடன் மல்லுக்கட்ட தொடங்கியது. தனது உயிரைப் பற்றி ஒரு துளி கவலைக்கூட இல்லாமல் தனது குட்டிகளை காக்க அந்த சிறுத்தை, சிங்கத்தை கடுமையாக தாக்கியது. தாய் சண்டையிட்டுக்கொண்டிருந்த வேளையில் சிறுத்தை குட்டிகளும் மறைவான இடத்திற்கு செலன்றுவிட்டன. சிங்கம் கண் அசந்த நேரத்தில் தாய் சிறுத்தையும் தலைமறைவாகிவிட்டது. 

மேலும் அந்த சண்டைக்கு பின்னர் மதிய பொழுதில் மட்டும் சிறுத்தை இரண்டு முறை இடத்தை மாற்றியிருக்கிறது. அந்த சண்டைக்கு பிறகு அந்த சிறுத்தை மிகவும் சோர்வாக இருந்திருக்கிறது, சிறு காயங்களும் அதற்கு ஏற்பட்டுள்ளது. அந்த சிங்கத்திற்கு காலில் அடிபட்டிருக்கிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!