హైదరాబాద్: తెలంగాణ, ఆంధ్రప్రదేశ్ రాష్ట్రాల్లో ఎమ్మెల్సీ ఎన్నికల నిర్వహణ కోసం ఎన్నికల కమిషన్ షెడ్యూల్ విడుదల చేసింది. శాసన సభ కోటా ఎమ్మెల్సీ ఎన్నికకు ఈనెల 21న నోటిఫికేషన్ విడుదల కానుండగా.. మార్చి 12న పోలింగ్ నిర్వహించనున్నారు. అదే రోజు సాయంత్రం 5 గంటలకు కౌంటింగ్ నిర్వహించి ఫలితాలు వెల్లడించనున్నారు. ఈ నెల 28వ తేదీతో ఎమ్మెల్సీ అభ్యర్థుల నామినేషన్స్‌ దాఖలుకు గడువు ముగియనుంది.
తెలంగాణలో 5, ఆంధ్రప్రదేశ్‌లో 5 స్థానాలకు ఎన్నికలు జరగనున్నాయి. తెలంగాణలో మహమూద్ అలీ, షబ్బీర్ అలీ, పొంగులేటి సుధాకర్‌రెడ్డి, టి. సంతోష్‌ కుమార్, మహ్మద్ సలీం, పదవీ విరమణ చేయనున్నారు.
