మెగాస్టార్ బర్త్ డే అంటే చాలు..సినీ పరిశ్రమలో ఓ పండుగ వాతావరణమే. ఇండస్ట్రీలో అంతలా అల్లుకుపోయిన వ్యక్తి. కష్టపడి ఎదిగిన హీరో. కాబట్టే అందరికీ ఆదర్శప్రాయుడయ్యాడు. బహుశా అందుకే నటుడు సత్యదేవ్ ఇలా వినూత్నంగా చిరుకు బర్త్ డే విషెస్ చెబుతున్నాడు.
మెగాస్టార్ చిరంజీవి 65వ పుట్టినరోజైన ఆగస్టు 22 పరిశ్రమవర్గాలకు, అభిమానులకు ఓ వేడుకలా మారింది. సోషల్ మీడియా సాక్షిగా భారీగా విషెస్ వెల్లువలా వచ్చి పడుతున్నాయి. ఒక్కొక్కరిదీ ఒక్కొక్క శైలి. కొందరు తమ అనుబంధాల్ని పంచుకుంటుంటే..మరి కొందరు మరోలా. నటుడు సత్యదేవ్ వినూత్న శైలిలో బర్త్ డే విషెస్ చెబుతున్నాడు. చిరంజీవి నటించిన సినిమాల్లో హిట్ అయిన పాటలకు డ్యాన్స్ చేస్తూ...ఓ చిన్న వీడియో రూపంలో ట్విట్టర్ లో షేర్ చేసుకున్నాడు. ఇప్పుడీ వీడియో వైరల్ అవుతోంది. చిరు పాటలకు చిరు డ్యాన్స్ ను అనుకరిస్తూ సత్యదేవ్ చేసిన డ్యాన్స్ చూస్తే ఫిదా అవ్వాల్సిందే. సత్యదేవ్ లో ఇంతటి డ్యాన్సర్ ఉన్నాడా అన్పిస్తోంది.
Happy Birthday Annaya @KChiruTweets
#hbdmegastarchiranjeevi #chiranjeevi pic.twitter.com/WQ1gm0q3I1— Uma Maheswara Rao (@ActorSatyaDev) August 22, 2020
