Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు

Kannappa Teaser: మంచు విష్ణు డ్రీమ్ ప్రాజెక్ట్‌గా.. ఎంతో ప్రతిష్టాత్మకంగా తెరకెక్కుతున్న సినిమా కన్నప్ప. ఇప్పటికే ఈ సినిమాలో ఎంతోమంది సెలబ్రిటీలు భాగమయ్యారు. ముఖ్యంగా ఈ మధ్యనే ప్రభాస్ కూడా ఈ సినిమా షూటింగ్లోకి అడుగుపెట్టారు. ఇక రీసెంట్‌గానే బాలీవుడ్ స్టార్ అక్షయ్ కుమార్ మీద కొన్ని సీన్లను చిత్రీకరించారు. ఈ సన్నివేశాలు అయిన వెంటనే ప్రభాస్ షూటింగ్ జరుగుతుందని సమాచారం. ఇక తెలుగు ప్రేక్షకులు అందరూ ఎప్పుడెప్పుడు ఈ సినిమా విడుదలవుతుంది అని ఎదురుచూస్తుండగా.. ఈరోజు కేన్స్ ఫెస్టివల్‌లో కన్నప్ప టీం సందడి చేసింది. మోహన్ బాబు, విష్ణు మంచు, విష్ణు భార్య, ప్రభుదేవా వంటి వారు కన్నప్ప కోసం కేన్స్ ఫెస్టివల్‌కు వెళ్లారు.

ప్రస్తుతం వీరందరి ఫోటోలు తెగ వైరల్ అవుతున్నాయి. ఇక మరో ఆసక్తికరమైన విషయం ఏమిటి అంటే ఈ ఫిలిం ఫెస్టివల్ లోనే కన్నప్ప టీజర్ ని కూడా విడుదల చేశారు. కాగా ఈ టీజర్ చూసి అక్కడ వారంతా ఎంతో ప్రశంసించినట్టు తెలుస్తోంది. అలానే ఈ  కన్పప్ప టీజర్‌ను ఇండియన్ ప్రేక్షకులకు చూపించేందుకు ముహూర్తాన్ని ఫిక్స్ చేశారు. ఈ చిత్ర టీజర్ ని జూన్ 13న ఇండియా వైడ్‌గా విడుదల చేయబోతున్నారు. అయితే అంతకు ముందే తెలుగు ప్రేక్షకులకు కన్నప్ప టీజర్‌ను చూపించబోతున్నారు. మే 30న తెలుగులో కన్నప్ప టీజర్‌ను ముందుగా రిలీజ్ చేస్తామని విష్ణు మంచు ప్రకటించారు.

ఇక ఇదే విషయాన్ని తెలియజేస్తూ విష్ణు ఓ ట్వీట్ వేశారు. ‘కేన్స్‌లో ఫిలిం ఫెస్టివల్లో  కన్నప్ప టీజర్‌ను అందరికీ చూపించాం. ఈ చిత్ర టీజర్ చూసి అందరూ ప్రశంసించారు. ఇంటర్నేషనల్ డిస్ట్రిబ్యూటర్లు, అక్కడికి వచ్చిన ఇండియన్స్ కన్నప్ప టీజర్‌ను చూసి మెచ్చుకున్నాడు. ఆ రెస్పాన్స్ చూసిన తరువాత నాకు చాలా ఆనందం కలిగింది. మన ఇండియన్ ప్రేక్షకులకు జూన్ 13న టీజర్ చూపించబోతున్నాం. మే 30న తెలుగు టీజర్ ను హైద్రాబాద్‌లోని పాపులర్ థియేటర్‌లో ప్రదర్శించనున్నాం. మా ఈ సినిమాని సోషల్ మీడియాలో మొదటి నుంచి ప్రోత్సహిస్తున్న కొంత మంది సెలెక్టెడ్ ఆడియెన్స్‌కు ఆ టీజర్‌ను చూపిస్తాం. మా టీం వారిని సెలెక్ట్ చేస్తుంది. నేను ఈ కన్నప్ప టీజర్‌ను అందరికీ చూపించాలని ఎంతో ఆత్రుతగా ఎదురుచూస్తున్నామ’ అని చెప్పుకొచ్చారు .

కాగా ఈ చిత్రాన్ని మోహన్ బాబు అవా ఎంటర్టైన్మెంట్స్ బ్యానర్ మీద నిర్మిస్తుండగా.. ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు.

We showcased the teaser of *Kannappa* here in Cannes, and it received an overwhelmingly positive response! International distributors, local Indians, and everyone who saw it absolutely loved it. I am excited and have butterflies in my stomach after witnessing such fantastic… pic.twitter.com/phnLbaKhdY

— Vishnu Manchu (@iVishnuManchu) May 21, 2024

Also Read: TS Cabinet: తెలంగాణ ఆవిర్భావ వేడుకలకు సోనియాను పిలుస్తాం: మంత్రివర్గ నిర్ణయాలు ఇవే..

Also Read: Chepa Prasadam: ఆస్తమా, శ్వాసకోశ బాధితులకు శుభవార్త.. చేప ప్రసాదం పంపిణీ ఆ రోజే! 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter