Tomato Rice Recipe: ఇలా ఎప్పుడైనా టమాటో రైస్‌ ట్రై చేశారా? భలే ఉంటుంది!

Tomato Rice Recipe In Telugu: టమాటో రైస్‌ అంటే అందరూ ఎంతో ఇష్టంగా తింటారు. అయితే చాలా మంది వివిధ పద్దతుల్లో దీనిని తయారు చేసుకుంటారు. మీరు కూడా ఇంట్లోనే కొత్త పద్దతిలో ఈ రైస్‌ తయారు చేసుకోవాలనుకుంటున్నారా? ఈ రెసిపీ మీ కోసమే..

Tomato Rice Recipe In Telugu: ఎన్నో భారతీయ ప్రసిద్ధ వంటకాల్లో టమాటో రైస్ ఒకటి. దీనిని చాలా మంది ఎంతో ఇష్టంగా తింటూ ఉంటారు.  బియ్యం, టమాటోలు, మసాలాలతో తయారు చేసే ఈ రెసిపీకి భారత్‌లో మంచి గుర్తింపు ఉంది. ముఖ్యంగా పిల్లలైతే ఎంతో ఇష్టంగా తింటారు. రెండు తెలుగు రాష్ట్రాల్లో దీనిని వివిధ రకాలుగా తయారు చేసుకుంటారు. చాలా మంది బాస్మతి రైస్‌తో తయారు చేసుకుంటూ ఉంటారు. కానీ కొన్ని రాష్ట్రాల్లో మాత్రం సన్న బియ్యంతో వండుతారు. నిజానికి దీనిని ఎలా తయారు చేసిన టేస్ట్‌ మాత్రం ఓ రేంజ్‌లో ఉంటుంది. అంతేకాకుండా తయారు చేసే క్రమంలో దాని నుంచి వచ్చే సువాసన నోరూరిస్తుంది. అయితే మీరు కూడా ఇంట్లోనే సులభంగా టమాటో రైస్‌ను తయారు చేసుకోవాలనుకుంటున్నారా? ఇలా సులభంగా పూర్వీకు స్టైల్‌లో తయారు చేసుకోండి. 

టమాటో రైస్‌కి కావలసిన పదార్థాలు:
1 కప్పు బియ్యం
2 టమాటోలు (ముక్కలుగా కోసినవి)
1/2 ఉల్లిపాయ (తరిగినది)
1/2 అంగుళం అల్లం (తరిగినది)
2 పచ్చి మిరపకాయలు (తరిగినవి)
1 టీస్పూన్ జీలకర్ర
1/2 టీస్పూన్ పసుపు
1/2 టీస్పూన్ మిరపకాయ
1/4 టీస్పూన్ గరం మసాలా
2 టేబుల్ స్పూన్ల నూనె
ఉప్పు రుచికి (సరిపడా)
కొత్తిమీర (అలంకరించడానికి)

తయారీ విధానం:
ముందుగా ఓ పెద్ద బౌల్‌ తీసుకోవాల్సి ఉంటుంది. అందులో బియ్యాన్ని వేసి బాగా కడిగి 30 నిమిషాలు నానబెట్టుకోండి.
ఆ తర్వాత ఒక పాన్‌లో నూనె వేడి చేసి, జీలకర్ర వేసి బాగా వేయించాల్సి ఉంటుంది.
అందులో అల్లం, పచ్చి మిరపకాయలు వేసి వేయించాలి.
అన్ని బాగా వేగిన తర్వాత ఉల్లిపాయ వేసి బంగారు గోధుమ రంగు వచ్చేవరకు వేయించాలి.
ఆ తర్వాత అందులోనే టమాటోలు వేసి మెత్తబడే వరకు ఉడికించాలి.
బాగా మెత్తబడిన తర్వాత పసుపు, మిరపకాయ, గరం మసాలా వేసి బాగా కలపాలి.
అందులోనే నానబెట్టిన బియ్యం, ఉప్పు వేసి బాగా కలపాల్సి ఉంటుంది.
ఆ తర్వాత 2 కప్పుల నీరు పోసి, మూత పెట్టి 15 నుంచి 20 నిమిషాలు ఉడికించాలి.
బియ్యం ఉడికిన తర్వాత, కొత్తిమీరతో అలంకరించి వేడిగా వడ్డించండి.

టమాటో రైస్ తయారీకి కొన్ని చిట్కాలు:
మీరు మరింత రుచి కోసం టమాటో రైస్‌లో కొన్ని కూరగాయలు వేయవచ్చు. (ఉదాహరణకు క్యారెట్, బఠానీలు లేదా మొక్కజొన్న)
మీరు టమాటో రైస్‌లో కొంచెం నిమ్మరసం వేస్తే అది మరింత రుచిగా ఉంటుంది.
టమాటో రైస్‌ను దాల్ లేదా పెరుగుతో కలిపి వడ్డించుకుంటే భలే రుచి ఉంటుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.