Mega DSC Notification 2024: పండుగ వేళ నిరుద్యోగులకు చంద్రబాబు ప్రభుత్వం గుడ్‌న్యూస్‌ చెప్పింది. ఏపీ మెగా డీఎస్పీ నోటిఫికేషన్‌ విడుదలకు ముహూర్తం ఫిక్స్‌ చేసింది. దీంతో నిరుద్యోగులకు పండుగ ముందు శుభవార్త అందింది. ఈ నోటిఫికేషన్‌ ద్వారా 16,347 పోస్టులు భర్తీ చేయనుంది. ఆ పూర్తి వివరాలు తెలుసుకుందాం.
ఆంధ్రప్రదేశ్‌ ప్రభుత్వం రాష్ట్రంలోని మెగా డీఎస్సీ పోస్టులు భర్తీకి కార్యాచరణ మొదలు పెట్టింది. 16,347 పోస్టుల భారీ నోటిఫికేషన్‌ విడుదలకు కసరత్తు చేస్తోంది. ఈ నేపథ్యంలో మరో మూడు నెలల్లో ఈ నియామక ప్రక్రియ పూర్తి చేయనుంది.
ఈ పోస్టుల ద్వారా ఎంపికైన అభ్యర్థులను వచ్చే ఏడాది విద్యా సంవత్సరానికి పోస్టింగులు కూడా ఇవ్వనుంది. దీనికి సంబంధించన ప్రణాళికను కూడా సిద్ధం చేస్తోంది.
అయితే, ఈ 16,347 పోస్టులకు సంబంధించిన నోటిఫికేషన్‌ నవంబర్‌ 6 విడుదల చేసేందుకు ప్రభుత్వం చర్యలు చేపట్టింది. మరోవైపు టెట్‌ ఫైనల్‌ కీ నిన్న విడుదలైన సంగతి తెలిసిందే. నవంబర్‌ 2 న ఫలితాలు వెల్లడవుతాయి
వచ్చే ఏడాదికి పూర్తి పోస్టింగులు కూడా ఇవ్వడానికి జిల్లాల వారీగా ఉన్న ఖాళీలను, రోస్టర్‌ పాయింట్లను రిజర్వేషన్ల వివరాలను కూడా సేకరించింది ప్రభుత్వం. డీఈఓ నుంచి సంబంధించిన వివరాలను ఇప్పటికే సేకరించింది.
వేసవి కాలం వచ్చే సరికి టీచర్లకు ట్రైనింగ్‌ కూడా పూర్తవుతుంది. వారికి పోస్టింగులు కూడా పూర్తి చేయనున్నారు. ఇప్పటి వరకు ఏపీలో 12 వేల స్కూళ్లు ఒకే టీచర్‌తో నడుస్తున్నాయి. ఈ కొత్త నియామకాలతో టీచర్ల సంఖ్య పెరుగుతుంది.
