Rice Curry Leaves Mask: జుట్టు రాలే సమస్య విపరీతమైన స్ట్రెస్‌ లేదా ఆరోగ్య సమస్యల వల్ల జరుగుతుంది. అయితే, ఇంట్లో ఉండే కరివేపాకు, బియ్యం నీరు రెండిటితో హెయిర్‌ మాస్క్‌ తయారు చేసుకుని జుట్టుకు అప్లై చేస్తే జుట్టు పట్టి లాగినా ఊడదు. ఈ మాస్క్‌ ఎలా తయారు చేసుకోవాలి తెలుసుకుందాం.
కరివేపాకు, బియ్యం నీరు, మెంతులు ఈ మూడింటితో జుట్టు రాలకుండా దృఢంగా పెరుగుతుంది. అంతేకాదు జుట్టు ఆరోగ్యంగా మెరిసేలా చేస్తుంది. వద్దన్నా జుట్టు పొడుగ్గా పెరుగుతుంది. ముఖ్యంగా ఈ మూడింటి కలయికతో మీ జుట్టుకు మంచి పోషణ కూడా అందుతుంది.
దీనికి ఒక్క చెంచా బియ్యం, ఆవనూనె, కొన్ని కరివేపాకు ఆకులు, మెంతులు తీసుకోవాలి. వీటితో హెయిర్‌ మాస్క్‌ తయారు చేసుకోవాలి. ఇందులో ఔషధ గుణాలు పుష్కలంగా ఉంటాయి. మన జుట్టుకు మంచి పోషణ అందిస్తాయి.
నీళ్లు కలిపి ఈ అన్ని పదార్థాలను ఒక బౌల్‌లో కలపాలి. వీటిని మెత్తని పేస్ట్‌ తయారు చేసుకోవాలి. ఈ పేస్ట్‌కు ఆవనూనె కలిపి మెత్తని పేస్ట్‌లా తయారు చేయాలి. ఇప్పుడు హెయిర్‌ మాస్క్‌ రెడీ అవుతుంది.
ఈ హెయిర్‌ మాస్క్‌ను జుట్టు కుదుళ్ల నుంచి చివర్ల వరకు అప్లై చేయాలి. ఇందులో మీరు కావాలంటే విటమిన్‌ ఇ క్యాప్స్యూల్‌ కూడా కలుపుకోవచ్చు. ఓ గంట సమయంపాటు అలాగే ఉండనివ్వాలి. ఆ తర్వాత సాధారణ షాంపూతో తలస్నానం చేయాలి.
కరివేపాకు, రైస్‌తో కలిపి తయారు చేసిన ఈ మాస్క్‌ వారంలో రెండు సార్లు ఉపయోగించడం వల్ల మెరుగైన ఫలితాలు లభిస్తాయి. కొన్ని నివేధికల ప్రకారం బియ్యం, కరివేపాకు, మెంతులు జుట్టు ఊడకుండా కాపాడతాయి.
