घरून काम करताना आरोग्याची काळजी कशी घ्यावी? पाहा 5 सोपे उपाय
कोरोनाच्या महामारीनंतर, घरून काम करण्याची पद्धत अनेक कंपन्यांनी स्वीकारली आहे, जी आजही काही ठिकाणी सुरू आहे. घरून काम करणं खूप सोयीचं असलं तरी, हे तुमच्या शारीरिक आणि मानसिक आरोग्याला नुकसान पोहोचवू शकतं, जर त्याकडे योग्य प्रकारे लक्ष न दिलं गेलं.
)
How To Stay Fit In WFH: घरून काम करत असताना योग्य सवयी अंगीकारणं, व्यायाम आणि निरोगी जीवनशैली राखणं महत्त्वाचं आहे. इथे दिलेल्या टिप्स तुमचं आरोग्य राखण्यात मदत करू शकतात आणि तुम्ही तुमचं काम अधिक उत्साहीपणे करू शकता.
शारीरिक समस्या:
घरून काम करत असताना एकाच ठिकाणी लांब वेळ बसल्यामुळे पाठ, मान, खांदे आणि तळवा दुखण्याची समस्या उद्भवते. खासकरून, चुकीच्या पद्धतीने बसणं आणि पोस्टरचे पालन न करणं यामुळे ही समस्या गंभीर होऊ शकते. त्यामुळे रोज हलके स्ट्रेचिंग किंवा योगाभ्यास करा. तसेच, योग्य स्थितीत बसण्याची सवय लावा, पाठीच्या कणा आणि मानच्या आरामासाठी खूप महत्त्वाचे आहे.
डोळ्यांच्या समस्या:
घरून काम करतांना सतत स्क्रीनकडे पाहिल्यामुळे डोळ्यांमध्ये थकवा, जळजळ, कोरडेपणा आणि डोळ्यांचा ताण होऊ शकतो. अनेक वेळा स्क्रीनच्या जवळ बसून काम करणे किंवा झपाट्याने काम करणं डोळ्यांच्या आरोग्याला हानी पोहोचवू शकतं. यावर 20-20-20 नियम वापरा. प्रत्येक 20 मिनिटांनी, 20 सेकंदांसाठी दूरच्या वस्तूंकडे पहा. यामुळे डोळ्यांना आराम मिळेल आणि ताण कमी होईल.
मानसिक थकवा:
घरून काम करत असताना वेळेचे बंधन नसल्याने, आपण कामावर जास्त वेळ घालवतो. काम आणि घर यामध्ये सीमारेषा न राहिल्यामुळे मानसिक ताण, उदासीनता आणि थकवा वाढू शकतो. तुमच्या कामाचा वेळ निश्चित करा आणि त्याला मनाशी बांधून ठेवा. दर 1-2 तासांनी 5-10 मिनिटांची विश्रांती घ्या, ज्यानं तुमचं मन ताजं राहील.
वजन वाढणे:
घरून काम करतांना शारीरिक हालचाल कमी होणे आणि जास्त खाण्याची सवय लागणे, या कारणांमुळे वजन वाढू शकते. तसेच, सतत बसून काम करणं मेटाबोलिजमला मंदावू शकतं. त्यामुळे व्यायाम करा, रोज सकाळी किंवा संध्याकाळी चालायला जा, सायकल चालवा किंवा योगाभ्यास करा. हलका ब्रेक घ्या आणि घरातल्या कामांमध्ये भाग घ्या.
झोपेचे विकार:
घरून काम करतांना ऑफिस आणि घराचा फरक कमी होतो. त्यामुळे कामाच्या तासांमध्ये अराजकता येते आणि झोपेच्या सवयींवर वाईट प्रभाव पडतो. उशिरापर्यंत काम करणं आणि सतत स्क्रीनसमोर बसणं झोपेच्या विकारांना कारणीभूत ठरू शकतं.त्यामुळे झोपण्याच्या वेळा निश्चित करा आणि ते पाळा. झोपण्यापूर्वी 1-2 तास स्क्रीनपासून दूर राहा.
पचन समस्या:
घरून काम करत असताना, सतत काम करणं आणि वेळेवर भोजन न घेणं यामुळे पचनाशी संबंधित समस्या उद्भवू शकतात. तसेच, हलका आहार न घेणं आणि शारीरिक हालचाल कमी होणं यामुळे पचनक्रिया मंदावू शकते. वेळेवर अन्न खा आणि हलका आहार घ्या. अधिक तेलकट किंवा जड पदार्थ टाळा. दर 1-2 तासांनी उभं राहून चालणं किंवा लहान व्यायाम करा. पाचन क्रियेसाठी द्रवपदार्थांचे सेवन वाढवा आणि झोपण्यापूर्वी जड आहार टाळा.
घरून काम करत असताना आरोग्याच्या अनेक समस्या उद्भवू शकतात, पण योग्य सवयी अंगीकारल्यास तुम्ही त्यांना टाळू शकता. शारीरिक आणि मानसिक तंदुरुस्ती ठेवण्यासाठी, दररोज थोडा व्यायाम, संतुलित आहार, आणि विश्रांती घेणं अत्यंत महत्त्वाचं आहे.