Good Bad Ugly Vs Coolie Release : 70 வயதை கடந்தாலும், இன்றும் தமிழ் திரையுலகில் ராஜ நடைப்போட்டு நடித்து வருபவர், ரஜினிகாந்த். இவர் நடித்திருக்கும் கூலி படம் குறித்த சுவாரஸ்ய அப்டேட் தற்போது வெளியாகி இருக்கிறது.
கூலி திரைப்படம்:
தமிழ் திரையுலகின் டிரெண்டிங் இயக்குநராக வலம் வருகிறார், லோகேஷ் கனகராஜ். விஜய்யை வைத்து இரண்டு படங்களை இயக்கி ஹிட் கொடுத்த இவர், அடுத்த கைக்காேர்த்திருக்கும் பெரிய நடிகர், ரஜினிகாந்த். ரஜினிகாந்தின் 171வது படமான இதற்கு, சில மாதங்களுக்கு முன்னர் ‘கூலி’ என பெயர் வைக்கப்பட்டது. இந்த படத்தின் படப்பிடிப்பு இந்தியாவின் பல்வேறு மாநிலங்களில் தொடர்ந்து நடைப்பெற்று வருகிறது. இந்த நிலையில், தற்போது இப்படத்தின் ரிலீஸ் தேதி குறித்த தகவல் வெளியாகி இருக்கிறது.
ரிலீஸ் தேதி:
ரஜினி, அஜித், விஜய் போன்ற பெரிய நடிகர்கள் நடிக்கும் திரைப்படங்களின் ரிலீஸ் தேதி, படப்பிடிப்பு நடைப்பெற்று முடிவதற்கு முன்னதாகவே அறிவிக்கப்பட்டுவிடும். அந்த வகையில், கூலி படம் குறித்த அப்டேட்டும் திரை வட்டாரங்களில் கசிந்துள்ளது. இப்படம், வரும் 2025ஆம் ஆண்டு மே மாதம் 1ஆம் தேதி ரிலீஸாக இருப்பதாக கூறப்படுகிறது.
அஜித்துடன் மோதும் ரஜினி?
ரஜினி திரையுலகில் ஜொலிக்க ஆரம்பித்த சமயத்தில் பலர் இவரையும் கமலையும் போட்டி நடிகர்களாக பார்த்தனர். நாட்கள் செல்ல செல்ல, விஜய்-அஜித் போட்டி நடிகர்களாக மாறினர். இதையடுத்து அஜித்திற்கு சில படங்கள் கைக்கொடுக்காமல் போக, விஜய்-ரஜினி படங்கள் போட்டியிட்டு மார்கெட்டில் பெயர் வாங்க ஆரம்பித்தனர். இன்னும் சில மாதங்களில் நடிகர் விஜய் திரையுலகை விட்டு விலக இருக்கிறார். இதையடுத்து, அஜித்-ரஜினி படங்களுக்கு மட்டும்தான் போட்டி நிலவும் எனக்கூறப்படுகிறது. இதையடுத்து, அஜித் நடிப்பில் அடுத்த வருடம் வெளியாக இருக்கும் குட் பேட் அக்லி படத்திற்கு போட்டியாக ரஜினியின் கூலி படம் ரிலீஸாவதாக சிலர் இணையத்தில் கிளப்பிவிட்டு வருகின்றனர்.
அஜித் நடிப்பில் அடுத்த வருடம் விடாமுயற்சி-குட் பேட் அக்லி என இரண்டு படங்கள் வெளியாக இருக்கின்றன. இதில் விடாமுயற்சி படம் பொங்கலுக்கு ரிலீஸாக, குட் பேட் அக்லி மே மாதம் வெளியாக இருப்பதாக கூறப்படுகிறது.
கூலி பட நடிகர்கள்..
கூலி படத்தின் படப்பிடிப்பு வேகமாக நடைப்பெற்று வருகிறது. வரும் டிசம்பர் மாத இறுதியில் அல்லது ஜனவரி மாதத்தின் முதல் வாரத்திற்குள் ஷூட்டிங்கை முடிக்க படக்குழு திட்டமிட்டிருக்கிறதாம்.
யாரெல்லாம் நடிக்கிறாங்க?
கூலி படத்தில் ரஜினியுடன் சேர்ந்து, நடிகை ஸ்ருதிஹாசன் பிரீத்து எனும் கதாப்பாத்திரத்தில் நடிக்கிறார். இவர், இதில் ரஜினிக்கு மகளாக நடிப்பதாக கூறப்படுகிறது. இதையடுத்து தெலுங்கு நடிகர் நாகார்ஜுனா, கன்னட நடிகர் உப்பேந்திரா, மலையாள நடிகர் ஷௌபின் ஷாஹிர் உள்ளிட்டோர் முக்கிய பாத்திரங்களில் வருகின்றனர். நடிகர் சத்யராஜ், பல ஆண்டுகளுக்கு பிறகு ரஜினியுடன் கூலி படத்தில் இணைந்திருக்கிறார்.
ரஜினியின் அடுத்த படம் எது?
ரஜினி, வருடத்தில் 1 அல்லது 2 படங்களில் மட்டுமே நடித்து வருகிறார். கடைசியாக அவர் நடித்து வெளியான வேட்டையன் படம் வெளியாகி ரசிகர்கள் மத்தியில் நல்ல வரவேற்பை பெற்றது. கூலி படத்தை அடுத்து, அவர் நெல்சன் திலீப்குமார் இயக்கும் ஜெயிலர் 2 படத்திலும் நடிக்க இருப்பதாக தகவல்கள் வெளியாகி இருக்கிறது. இதற்கான கதையை நெல்சன் தயாரித்து விட்டதாகவும் கூறப்படுகிறது. வரும் ஆண்டில் இது குறித்த அதிகாரப்பூர்வ தகவல் வெளியாகலாம்.
மேலும் படிக்க | 'கூலி' படத்தின் படப்பிடிப்பிலும் தற்காப்பு கலை பயிற்சியில் ஈடுபடும் ஸ்ருதிஹாசன்
மேலும் படிக்க | ரஜினிக்கு கூலி படத்திற்கு வேட்டு வைத்த இளையராஜா.. ஷாக்கில் ரசிகர்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
