49 பந்தில், 160 ரன்கள்.. சம்பவம் செய்த மார்ட்டின் கப்தில்!

நியூசிலாந்து அணியின் முன்னாள் வீரர் மார்ட்டின் கப்தில், லெஜண்ட் 90 லீக் தொடரில் 49 பந்துகளில் 160 ரன்கள் அடித்து அனைவரையும் வியப்பில் ஆழ்த்தி இருக்கிறார்.

நியூசிலாந்து அணியின் முன்னாள் அதிரடி வீரர் மார்ட்டின் கப்டில். இவர் சமீபத்தில் சர்வதேச கிரிக்கெட்டில் இருந்து ஓய்வை பெற்றார். இந்த நிலையில், லெஜண்ட் 90 வாரியர்ஸ் என்ற 15 ஓவர் உள்ளூர் கிரிக்கெட் தொடரில் சத்தீஸ்கர் வாரியர்ஸ் அணிக்காக விளையாடி வருகிறார். 

இந்நிலையில், பிக் பாய்ஸ் உனிகாரி - சத்தீஸ்கர் வாரியர்ஸ் அணிக்களுக்கு இடையே போட்டி நடைபெற்றது. இந்த போட்டியில், நியூசிலாந்து வீரர் மார்ட்டின் கப்டில் அதிரடியாக விளையாடி அனைவரையும் ஆச்சிரியத்தில் ஆழ்த்தி உள்ளார். 

இப்போட்டியில் முதலில் சத்தீஸ்கர் வாரியர்ஸ் அணியே பேட்டிங் செய்தது. அணியின் தொடக்க வீரர்களாக ரிஷி தவான் மற்றும் மார்ட்டின் கப்டில் களம் இறங்கிய நிலையில், இருவரும் சிறப்பான ஆட்டத்தை வெளிப்படுத்தினர். 15 ஓவரில் 240 ரன்கள் அடித்து இருவரும் ஆட்டமிழக்காமல் இருந்தனர். டி20 240 ரன்கள் அடிப்பதே அவ்வபோது தான் நடக்கும். ஆனால் 15 ஓவரிலேயே 240 ரன்கள் என்ற நம்பமுடியாத ரன்களை அடித்தனர். 

இதில் ரிஷி தவான் 42 பந்துகளில் 76 ரன்கள் எடுத்தார். மறுபுறம் மார்ட்டின் கப்டில் 49 பந்துகளில் 160 ரன்கள் எடுத்தார். அவரது ஸ்ட்ரைக் ரேட் 326.53 ஆக இருந்தது. இப்போட்டியில் மட்டும் அவர் 16 சிக்சர்கள் மற்றும் 12 ஃபோர்களை அடித்தார். 49 பந்துகளில் 160 ரன்கள் அடித்தது மட்டுமல்லாமல் ஆட்டமிழக்காமல் ரசிகர்களுக்கு இடையே வியப்பை ஏற்படுத்தி இருக்கிறது. பிக் பாய்ஸ் அணியின் பந்து வீச்சாளர் இஷான் மல்கோத்ரா அதிகபட்சமாக ஒரு ஓவரில் 29 ரன்கள் விட்டுக்கொடுத்தார். 

இதையடுத்து களம் இறங்கிய பிக் பாய்ஸ் உனிகாரி 15 ஓவர் முடிவில் 4 விக்கெட்கள் இழப்பிற்கு 151 ரன்கள் அடித்து 90 ரன்கள் வித்தியாசத்தில் படுதோல்வி அடைந்தனர். அதிகபட்சமாக அந்த அணியின் வீரர் ராபின் பிஸ்ட் 33 பந்துகளில் 55 ரன்களும் சவுவ் திவாரி 37 ரன்களும் சேர்த்தனர்.     

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!