Defense Stock: రూ.1 లక్షకు రూ..10 లక్షలు అందించిన స్టాక్ ఇదే.. రాకెట్ కన్నా వేగంగా దూసుకెళ్లిన ఈ డిఫెన్స్ స్టాక్

Multibagger Defence Stock : మార్కెట్ ఒడిదుడుకుల మధ్య స్మాల్ క్యాప్ కేటగిరీ డిఫెన్స్ సెక్టార్ కు చెందిన ప్రముఖ కంపెనీ స్టాక్ లాభాల్లో దూసుకుపోతుంది. కేవలం రెండేళ్లలో లక్ష రూపాయల పెట్టుబడిని రూ. 4.86 లక్షలు చేసింది. అలాగే నాలుగేళ్లలోనే లక్షల రూపాయలను రూ. 10లక్షలకు పైగా చేసింది.

Multibagger Defence Stock : స్మాల్ క్యాప్ కేటగిరి డిఫెన్స్ సెక్టార్ కంపెనీ అపోలో మైక్రో సిస్టమ్స్ లిమిటెడ్ స్టాక్ అదరగొట్టే లాభాలను తీసుకువస్తుంది. గత రెండేళ్ల కాలంలో తమ షేర్ హోల్డర్లకు మంచి లాభాలను అందించింది. రెండేళ్లలోనే ఏకంగా 386శాతం లాభాలను అందించింది. అలాగే గత 4ఏళ్లలో చూసుకుంటే లక్ష రూపాయల పెట్టుబడిని 920శాతం లాభంతో రూ. 10లక్షలకుపైగా చేసి మల్టీ బ్యాగర్ స్టాక్ గా నిలిచింది. ఇప్పుడు మరింత పెరిగే ఛాన్స్ ఉందని ప్రముఖ బ్రోకరేజీలు అంచనా వేస్తున్నాయి. 

సేథి ఫిన్‌మార్ట్‌కు చెందిన వికాస్ సేథి డిఫెన్స్ స్టాక్ అపోలో మైక్రో సిస్టమ్స్‌లో కొనుగోలు చేయమని సలహా ఇచ్చారు. స్వల్పకాలిక లక్ష్యం రూ.110. స్టాప్ లాస్‌ను రూ.95గా ఉంచాలి. పెట్టుబడిదారులు స్వల్పకాలంలో 10 శాతం వరకు రాబడిని పొందవచ్చు. డిఫెన్స్ స్టాక్‌లో కొనుగోలు చేయడం ప్రస్తుత స్థాయి నుంచే జరగాలి.డిఫెన్స్ కంపెనీ సెప్టెంబర్ త్రైమాసిక ఫలితాలను విడుదల చేసింది.

2024-25 ఆర్థిక సంవత్సరం రెండవ త్రైమాసికంలో, లాభం 140 శాతం పెరిగి రూ. 15.9 కోట్లకు చేరుకుంది. ఇది ఏడాది క్రితం ఇదే త్రైమాసికంలో రూ. 6.6 కోట్లుగా ఉంది. రెండో త్రైమాసికంలో కంపెనీ ఆదాయం రూ.87.16 కోట్ల నుంచి రూ.160.7 కోట్లకు పెరిగింది. గత ఆర్థిక సంవత్సరం రెండో త్రైమాసికంలో రూ.0.22తో పోలిస్తే గత త్రైమాసికంలో ఒక్కో షేరు ఆర్జన రూ.0.52కి పెరిగింది. రెండో త్రైమాసికంలో EBITDA గత ఆర్థిక సంవత్సరం ఇదే కాలంలో రూ.18.4 కోట్ల నుంచి రూ.32.8 కోట్లకు పెరిగింది.

ఇది ప్రముఖ ఎలక్ట్రానిక్, ఎలక్ట్రో మెకానికల్ డిజైన్ విభాగంలో పనిచేస్తున్న సంస్థ. ముఖ్యంగా ఏరోస్పేస్, రక్షణ రంగానికి సేవలను అందిస్తుంది. DRDO ఇండియన్ నేవీ, ఇండియన్ ఆర్మీని అందిస్తుంది. అదానీ  L&T మొదలైనవి కంపెనీ క్లయింట్ జాబితాలో ఉన్నాయి. హైదరాబాద్‌లో తమ 2.5 లక్షల చదరపు అడుగుల డిఫెన్స్ ఎలక్ట్రానిక్స్,  ఎలక్ట్రో మెకానికల్ సౌకర్యాన్ని ప్రారంభించబోతున్నారు. కంపెనీకి భారీ ఆర్డర్ బుక్ ఉండటంతో డిఫెన్స్‌పై మంచి దృష్టి పెట్టింది.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.