యంగ్ టైగర్ జూనియర్ ఎన్టీఆర్ హీరోగా తెరకెక్కుతున్న అరవింద సమేత సినిమా ఆడియో జ్యూక్ బాక్స్ విడుదలైంది. ప్రముఖ కంపోజర్ ఎస్ఎస్ థమన్ మ్యూజిక్ అందించిన ఈ సినిమాలో మొత్తం నాలుగు పాటలు ఉండగా అందులో మొదట అనగనగనగా అనే పాటను, ఆ తర్వాత నిన్న సాయంత్రం పెనివిటి అనే మరో పాటను మేకర్స్ రిలీజ్ చేయగా తాజాగా విడుదలైన జ్యూక్ బాక్స్ ద్వారా మిగతా రెండు పాటలు కూడా ఆడియెన్స్ ముందుకొచ్చేశాయి.
పెనివిటి పాట విడుదలైన 24 గంటల్లోనే నెంబర్ 1 స్థానంలో ట్రెండింగ్ అవడం విశేషం. అరవింద సమేత ఆడియో ఆల్బం గురించి కంపోజర్ ఎస్ఎస్ థమన్ ట్వీట్ చేస్తూ.. ఇవాళ విడుదల కానున్న ఏడపోయినాడో పాట తన కెరీర్‌లోనే అత్యుత్తమైన ట్రాక్ అని, తాను అలా ఎందుకు చెబుతున్నాననేది ఈ పాట విడుదలయ్యాక మీకే అర్థమవుతుందని తన ట్వీట్‌లో పేర్కొన్నాడు.
