Sai Durga Tej: డిప్యూటీ సీఎంతో సాయి దుర్గా తేజ్‌ సంబరాలు.. భావోద్వేగంలో మామ అల్లుడు
180879
Black Grape Juice Benefits: నల్ల ద్రాక్షను చాలా మంది తినేందుకు ఇష్టపడరు. ఎందుకంటే ఇవి నోటికి పులుపు గానూ తిపిగానూ ఉంటాయి. కానీ దీనితో తయారు చేసిన జ్యూస్‌ తాగడం వల్ల బోలెడు లాభాలు కలుగుతాయి. ఎందుకంటే ఇందులో విటమిన్ సితో పాటు విటమిన్ కె, విటమిన్ బి అధిక పరిమాణంలో లభిస్తాయి. కాబట్టి ప్రతి రోజు ఈ నల్ల ద్రాక్ష జ్యూస్‌ తాగడం అనేక రకాల ప్రయోజనాలు కలుగుతాయి. ఇందులో ఉండే గుణాలు గుండె సమస్యల నుంచి సీజనల్‌ వ్యాధుల వరకు అన్ని సమస్యల నుంచి విముక్తి కలిగిస్తుంది. ఈ జ్యూస్‌ తాగడం వల్ల ఇతర ప్రయోజనాలు కూడా కలుగుతాయి. అవేంటో ఇప్పుడు తెలుసుకోండి.
నల్ల ద్రాక్ష జ్యూస్‌ తాగడం వల్ల కలిగే లాభాలు:
గుండె ఆరోగ్యానికి మేలు:
నల్ల ద్రాక్షలో రెస్వెరాట్రాల్ అనే యాంటీ ఆక్సిడెంట్ అధిక మోతాదులో ఉంటుంది. ఇది గుండెను ఆరోగ్యంగా చేసేందుకు, రక్షణ కల్పించేందుకు ఎంతో సహాయపడుతుంది. అలాగే చెడు కొలెస్ట్రాల్‌ను నియంత్రించేందుకు కూడా ప్రభావవంతంగా పని చేస్తుంది. ముఖ్యంగా రక్తనాళాలను ఆరోగ్యంగా కూడా చేస్తుంది.
క్యాన్సర్:
నల్ల ద్రాక్షలోని యాంటీ ఆక్సిడెంట్లు క్యాన్సర్ కణాల పెరుగుదలను తగ్గించేందుకు కూడా ఎంతగానో సహాయపడుతుంది. దీని కారణంగా పెద్దప్రేగు క్యాన్సర్‌తో పాటు రొమ్ము క్యాన్సర్ రాకుండా ఉంటాయని ఆరోగ్య నిపుణులు తెలుపుతున్నారు. అలాగే ఇవి నిరోధక శక్తిని కూడా పెంచుతాయి.
చర్మ సౌందర్యం:
నల్ల ద్రాక్షలోని యాంటీ ఆక్సిడెంట్లు చర్మంపై ఉండే స్వేచ్ఛా రాశులను తొలగించేందుకు ఎంతగానో పని చేస్తాయి. కాబట్టి రోజు వీటితో తయారు చేసిన జ్యూస్‌ తాగడం వల్ల చర్మంపై ముడతలు రాకుండా ఉంటాయి. అంతేకాకుండా చర్మాన్ని మెరుస్తూ, ప్రకాశవంతంగా తయారవుతుంది.
జుట్టు ఆరోగ్యానికి:
నల్ల ద్రాక్షలోని విటమిన్స్‌తో పాటు ఖనిజాలు ఎక్కువగా ఉంటాయి. ఇవి జుట్టు ఆరోగ్యాన్ని మెరుగుపరిచేందుకు కూడా కీలక పాత్ర పోషిస్తుంది. అంతేకాకుండా జుట్టు రాలడాన్ని నిరోధిస్తాయి. దీని కారణంగా జుట్టును బలంగా, మెరిసేలా తయారవుతుంది.
మధుమేహం నియంత్రణ:
నల్ల ద్రాక్ష రక్తంలో చక్కెర స్థాయిలను నియంత్రించడానికి కూడా ఎంతో కీలక పాత్ర పోషిస్తుందని ఆరోగ్య నిపుణులు తెలుపుతున్నారు. ఇది శరీరంలోని ఇన్సులిన్ సామర్థ్యాన్ని పెంచి, మధుమేహాన్ని తగ్గించేందుకు ఎంతగానో సహాయపడుతుంది.
కండరాల ఆరోగ్యం:
నల్ల ద్రాక్షలోని పోషకాలు కండరాల పెరుగుదలకు కూడా ఎంతో సహాయపడతాయి. ముఖ్యంగా వ్యాయామాలు రోజు చేసేవారు ఈ నల్ల ద్రాక్ష జ్యూస్‌ తాగితే కండరాల నొప్పులు తగ్గి.. శక్తి కూడా విపరీతంగా పెరుగుతుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
Black Grape Juice Benefits: వావ్‌.. నల్ల ద్రాక్ష జ్యూస్‌ శరీరానికి ఇంత మంచిదా?
