కర్ణాటకలో అధికారాన్ని ఏర్పాటు చేసిన జేడీఎస్-కాంగ్రెస్ కూటమి బుధవారం కేబినెట్‌ను సైతం ఏర్పాటు చేయనుంది. మొత్తం 34 మంది సభ్యులు ఉండనున్న ఈ కేబినెట్‌లో 12 మంది జేడీఎస్ ఎమ్మెల్యేలు కాగా మిగతా 22 మంది కాంగ్రెస్ పార్టీకి చెందిన వారు. ఇవాళ మధ్యాహ్నం 2:12 గంటలకు ఈ ప్రమాణస్వీకారోత్సవం జరగనుంది. ప్రమాణస్వీకారోత్సం పూర్తయిన అనంతరం మంత్రులకు పోర్ట్ ఫోలియోలు కేటాయించనున్నట్టు కాంగ్రెస్ పార్టీ అధికార ప్రతినిథి కేఈ రాధాకృష్ణ తెలిపారు.
ఆర్థిక శాఖతోపాటు ఎక్సైజ్, ఇన్ ఫర్మేషన్, ఇంటెలీజెన్స్, సాధారణ పరిపాలన, ప్రణాళిక-గణాంకాలు, పబ్లిక్ వర్క్స్ డిపార్ట్ మెంట్, పవర్ కోపరేషన్, పర్యాటకం, విద్యా శాఖ, మత్య్స, పశుసంవర్ధక శాఖ, కుటీర పరిశ్రమలు, రవాణా, చిన్ననీటి పారుదల శాఖలు జేడీఎస్ ఎమ్మెల్యేలకు చెందనుండగా మిగతా కీలక శాఖలు అన్నీ కాంగ్రెస్ పార్టీ నేతల జాబితాలోకి వెళ్లనున్నాయి.
