వీలు చిక్కినప్పుడల్లా సొంత పార్టీపై, ప్రధాని నరేంద్ర మోదీపై తీవ్ర స్థాయిలో విమర్శలు ఎక్కుపెడుతూ కేంద్ర సర్కార్‌పై తన అసంతృప్తిని వెళ్లగక్కుతున్న బీజేపీ ఎంపీ, సినీనటుడు శత్రుఘన్ సిన్హా మరోసారి ప్రధాని మోదీపై అంతే తీవ్రస్థాయిలో విమర్శలు చేశారు. ఢిల్లీ ముఖ్యమంత్రి అరవింద్ కేజ్రీవాల్ ఢిల్లీ లెఫ్టినెంట్ గవర్నర్ అనిల్ బైజల్ కార్యాలయం ఎదుట ధర్నా చేపట్టడాన్ని ప్రస్తావిస్తూ శత్రుఘన్ సిన్హా రెండు ట్వీట్స్ చేశారు. అందులో మొదటి ట్వీట్‌లో డైనమిక్ లీడర్ అరవింద్ కేజ్రీవాల్ కోరుతున్న విధంగా ఇకనైనా ఐఏఎస్ అధికారులు తమ నిరసన విరమించుకుని విధుల్లో చేరుతారని ఆశిస్తున్నట్టు ఆశాభావం వ్యక్తంచేశారు. అయితే, ఇందులో అరవింద్ కేజ్రీవాల్‌ని గొప్ప నాయకుడిగా అభివర్ణించిన శత్రుఘన్ సిన్హా.. అతడు చేస్తున్నదాంట్లో తప్పులేదని అన్నారు.
Our dear friend, dynamic & most talked about Chief Minister of Delhi @ArvindKejriwal has certainly shown statesmanship & has appealed the officers to get back to work. He has moved two steps. Hope the so called strike of the bureaucrats ends now. Jai Hind!
— Shatrughan Sinha (@ShatruganSinha) June 18, 2018
ఇక ఇదే విషయమై రెండో ట్వీట్ చేసిన శత్రుఘన్ సిన్హా.. 'బహుశా ప్రధాని నరేంద్ర మోదీ ఈ వ్యవహారంలో కలుగచేసుకుని ఢిల్లీ ముఖ్యమంత్రి ధర్నా విరమింపచేస్తారని ఆశిస్తున్నా' అని అభిప్రాయపడ్డారు. '' ఢిల్లీ ప్రజల కోసం, ప్రజాస్వామ్య పరిరక్షణ కోసమైనా మోదీ ఈ పనిచేస్తారని అనుకుంటున్నా. వేయి అడుగుల ప్రయాణమైనా ఒక్క అడుగుతోనే ప్రారంభమవుద్ది. జై హింద్'' అని శత్రుఘన్ సిన్హా తన రెండో ట్వీట్‌లో పేర్కొన్నారు.
After the appeal of @arvindkejriwal, I trust the PM will also intervene and get the strike over. It will be a good step by him for the people of Delhi and democracy at large. A journey of a thousand miles begins with a single step..Jai Hind!
— Shatrughan Sinha (@ShatruganSinha) June 18, 2018
