Champions Trophy: ఛాంపియన్స్ ట్రోఫీ 2025 కోసం అభిమానులు ఆసక్తిగా ఎదురుచూస్తున్నారు. ఎందుకంటే ఈ పెద్ద టోర్నమెంట్ 8 సంవత్సరాల తర్వాత మళ్లీ జరగబోతోంది. ఈ టోర్నమెంట్‌ను పాకిస్తాన్ నిర్వహిస్తోంది. అయితే ఇది హైబ్రిడ్ మోడల్‌లో ఆడబడుతుంది. యూఏఈ గడ్డపై టీమ్ ఇండియా అన్ని మ్యాచ్‌లు జరగనున్నాయి. ఛాంపియన్స్ ట్రోఫీ 2025లో పాకిస్థాన్‌లో జరిగే అన్ని మ్యాచ్‌లు కరాచీ, రావల్పిండి , లాహోర్ మైదానాల్లో జరుగుతాయి. ఇప్పుడు పాకిస్థాన్‌లో జరిగే అన్ని మ్యాచ్‌లకు టిక్కెట్లు ఎప్పుడు లభిస్తాయనే ఐసీసీ కీలక అప్ డేట్ ఇచ్చింది.
ఛాంపియన్స్ ట్రోఫీ 2025 మ్యాచ్‌లు పాకిస్థాన్‌లో జరగనున్నాయి. టిక్కెట్లు జనవరి 28 నుండి పాకిస్తాన్ కాలమానం ప్రకారం మధ్యాహ్నం 2 గంటలకు అందుబాటులో ఉంటాయి. క్రికెట్ అభిమానులు రెండో సెమీఫైనల్‌తో సహా 10 మ్యాచ్‌ల టిక్కెట్‌లను కొనుగోలు చేయడానికి నమోదు చేసుకోవచ్చు. పాకిస్థాన్‌లో జరిగే మ్యాచ్‌ల సాధారణ టిక్కెట్లు 1000 పాకిస్థానీ రూపాయల నుంచి ప్రారంభమవుతాయి. అయితే ప్రీమియం సీటింగ్ టిక్కెట్లు 1500 పాకిస్తానీ రూపాయల నుండి అందుబాటులో ఉంటాయి. అంటే అభిమానులకు తక్కువ డబ్బుతో స్టేడియంకు వెళ్లి మ్యాచ్ చూసే అవకాశం లభిస్తుంది.
ఐసిసి చీఫ్ కమర్షియల్ ఆఫీసర్ అనురాగ్ దహియా మాట్లాడుతూ "ఐసిసి పురుషుల ఛాంపియన్స్ ట్రోఫీ 2025 కోసం అధికారిక టిక్కెట్ల విక్రయాన్ని ప్రకటించినందుకు మేము సంతోషిస్తున్నాము. 1996 తర్వాత మొదటి ICC టోర్నమెంట్‌కు ఆతిథ్యం ఇస్తున్న పాకిస్థాన్‌లో క్రికెట్‌కు ఇది ఒక ముఖ్యమైన క్షణం అని అన్నారు. ఛాంపియన్స్ ట్రోఫీ డైరెక్టర్ సుమైర్ అహ్మద్ సయ్యద్ మాట్లాడుతూ సరసమైన టిక్కెట్ ధరలు ఈ చారిత్రాత్మక టోర్నమెంట్‌లో అన్ని వర్గాల అభిమానులను భాగస్వామ్యానికి అనుమతిస్తున్నాయని, ఇది అన్ని తరాల క్రికెట్ అభిమానులకు వేడుకగా మారుతుందని అన్నారు. మేము టిక్కెట్‌లను సరసమైన ధరకే కాకుండా అధికారిక ఆన్‌లైన్ ప్లాట్‌ఫారమ్, పాకిస్తాన్ అంతటా 100కి పైగా అవుట్‌లెట్‌ల ద్వారా కూడా అందుబాటులో ఉంచాము. భారత్ మ్యాచ్‌ల టిక్కెట్ సమాచారం తర్వాత అందుబాటులో ఉంటాయని తెలిపారు.
Also Read: Modi-Trump: ట్రంప్నకు ప్రధాని మోదీ ఫోన్ కాల్.. ఏం మాట్లాడారంటే?
ఛాంపియన్స్ ట్రోఫీ 2025 కోసం గ్రూప్ స్టేజ్:
గ్రూప్ A: పాకిస్థాన్, భారత్, న్యూజిలాండ్, బంగ్లాదేశ్
గ్రూప్-బి: ఆస్ట్రేలియా, ఇంగ్లండ్, దక్షిణాఫ్రికా, ఆఫ్ఘనిస్థాన్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter, Facebook
