National Pension System: என்பிஎஸ் உறுப்பினரா நீங்கள்? அப்படியென்றால் இந்த பதிவு உங்களுக்கு மிக முக்கியமானதாக இருக்கும். ஜனவரி 1, 2004 அன்று தொடங்கப்பட்ட தெசிய ஓய்வூதிய அமைப்பு (NPS), இந்தியாவின் ஓய்வூதியத் திட்டமிடல் துறையின் ஜாம்பவானாக உருவெடுத்துள்ளது. இதன் முக்கிய நோக்கம் தனிநபர்கள் பணி ஆண்டுகளில் அவர்களின் ஓய்வூதிய நிதிகளுக்கு வழக்கமான பங்களிப்புகளைச் செய்ய ஊக்குவிப்பதாகும். இதன் மூலம் பணி ஓய்வுக்குப் பிறகு அவர்கள் நிதி பாதுகாப்பை பெற முடியும்.
அரசாங்கம் மற்றும் ஓய்வூதிய நிதி ஒழுங்குமுறை மற்றும் மேம்பாட்டு ஆணையம் (PFRDA) ஆகியவற்றால் இணைந்து செயல்படுத்தப்படும் இந்த திட்டம், முன்கூட்டியே நிர்ணயிக்கப்பட்ட ஓய்வூதியத் தொகைக்கு உறுதியளிக்கவில்லை. சமீப காலங்களில் NPS -இல் சில மாற்றங்கள் செய்யப்பட்டுள்ளன. இவற்றை பற்றி என்பிஎஸ் உறுப்பினர்கள் (NPS Members) அறிந்து வைத்திருக்க வேண்டியது அவசியம். அந்த விவரங்களை இங்கே காணலாம்.
Tax Deduction Limit: வரி விலக்கு வரம்பு
மத்திய பட்ஜெட் 2024 இல், நிதியமைச்சர் நிர்மலா சீதாராமன் முதலாளி / நிறுவனங்களின் பங்களிப்புகளுக்கான வரி விலக்கு வரம்பில் குறிப்பிடத்தக்க மாற்றங்களை அறிவித்தார். இந்த மாற்றங்கள் முதலாளி பங்களிப்பு அளவுகோலை பணியாளரின் சம்பளத்தில் 10% லிருந்து 14% ஆக உயர்த்தியது. இதன் விளைவாக, NPS -க்கான முதலாளி / நிறுவனத்தின் பங்களிப்புகளைப் பொறுத்து, ஊழியர்கள் இப்போது அவர்களின் அடிப்படை சம்பளத்தில் 4% க்கு சமமான கூடுதல் கழிவைப் பெற முடியும்.
NPS Withdrawal: என்பிஎஸ் -இல் பணம் எடுத்தல்
தேசிய ஓய்வூதிய அமைப்பிலிருந்து (NPS) இறுதியாக பணத்தைப் பெறுவதற்கான விதிகள் 2024 இல் திருத்தப்பட்டுள்ளன. இப்போது என்பிஎஸ் சந்தாதாரர் (NPS Subscribers) தனது மொத்தத் தொகையில் 60% -ஐ வரி இல்லாத மொத்தத் தொகையாகப் பெற அனுமதிக்கப்படுகிறார். மீதமுள்ள 40% வருடாந்திரத் திட்டத்தை (Annuity) வாங்கப் பயன்படுத்தப்பட வேண்டும்.
ஓய்வூதியத்தின் மொத்தத் தொகை ரூ.5 லட்சத்துக்கும் அதிகமாக இருந்தால், என்பிஎஸ் கார்பஸில் 40% வருடாந்திரத் திட்டங்களை வாங்கப் பயன்படுத்தப்பட வேண்டும். இந்தப் பகுதிக்கு எந்த வரியும் இருக்காது. இருப்பினும், ஆண்டுத் தொகையானது தனிநபரின் வருமான வரி வரம்பைப் பொறுத்து வரிவிதிப்புக்கு உட்பட்டது.
NPS Investment Allocation: என்பிஎஸ் முதலீட்டு ஒதுக்கீடு
NPS-க்குள் முதலீட்டு ஒதுக்கீடு வழிகாட்டுதல்கள் திருத்தப்பட்டுள்ளன. தனிநபர்கள் 60 வயது வரை அதிகபட்சமாக 75% ஈக்விட்டியை வைத்துக்கொள்ளலாம் என்ற விதி இப்போது உள்ளது. இது வாடிக்கையாளர்கள் தங்கள் வேலை ஆண்டுகளில் முதலீட்டு வளர்ச்சி வாய்ப்புகளைப் பயன்படுத்திக் கொள்ள அனுமதிக்கிறது.
Equity Allocation in Tier-2 NPS Accounts: டயர் 2 NPS கணக்குகளில் பங்கு ஒதுக்கீடு
டயர் 2 என்பிஎஸ் கணக்கு வைத்திருப்பவர்களுக்கான ஈக்விட்டி ஒதுக்கீடு வரம்பை அரசாங்கம் 75% லிருந்து 100% (வரியில்லா) உயர்த்தியுள்ளது. இந்த மாற்றம் முதலீட்டாளர்கள் தங்கள் டயர் 2 என்பிஎஸ் கணக்கில் பங்குகளில் முதலீட்டை அதிகரிக்க உதவுகிறது. இதன் மூலம் வளர்ச்சி திறனை அதிகரிக்க முடியும்.
Direct Remittance (D-Remit) Service: நேரடி பணம் அனுப்புதல் (டி-ரெமிட்) சேவை
நேரடி பணம் அனுப்பும் (டி-ரெமிட்) வசதியின் அறிமுகத்தின் மூலம், NPS சந்தாதாரர்கள் தங்கள் முதலீடுகளுக்கு ஒரே நாளில் NAV ஐ அணுகலாம். தங்கள் வங்கிக் கணக்குடன் இணைக்கப்பட்ட வர்சுவல் கணக்கு எண்ணுக்குப் பதிவு செய்து, முதலீட்டாளர்கள் D-Remit செயல்முறையின் மூலம் தங்கள் பங்களிப்புகளில் உடனடி NAV ஐப் பெறலாம். இந்த வசதி NPS முதலீட்டாளர்களுக்கு குறிப்பிடத்தக்க பலன்களை வழங்குகிறது.
Systematic Lumpsum Withdrawal: முறையான மொத்தத்தொகை வித்டிராயல்
பிப்ரவரி 2024 முதல், NPS சந்தாதாரர்கள் தங்கள் குழந்தைகளின் உயர்கல்வி, குடியிருப்பு சொத்துக்களை வாங்குதல் அல்லது கட்டுதல் மற்றும் மருத்துவச் செலவுகள் போன்ற பல்வேறு நோக்கங்களுக்காக பகுதியளவு தொகையை எடுப்பதற்கான விருப்பம் இருந்தது. சந்தாதாரர்கள் 60 முதல் 75 வயதிற்கு இடைப்பட்ட காலத்தில் தங்கள் NPS நிதியில் 60% வரை திரும்பப் பெற முறையான லம்ப்சம் திரும்பப் பெறுதலை (SLW) தேர்வு செய்யலாம். மீதமுள்ள தொகையை வருடாந்திர திட்டத்திற்குப் பயன்படுத்தலாம்.
மேலும் படிக்க | சரசரவென குறையும் தங்கம் விலை.... மேலும் குறையுமா... நிபுணர்கள் கூறுவது என்ன
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
