நடிகர் விஜய், மெரினாவில் நல்லடக்கம் செய்யப்பட்டுள்ள மறைந்த திமுக தலைவர் கருணாநிதியின் சமாதியில் அஞ்சலி செலுத்தினார்.
தமிழகத்தின் முன்னாள் முதல்வர் மற்றும் திமுக தலைவர் கருணாநிதி அவர்கள் கடந்த ஜூலை 27-ஆம் நாள் நள்ளிரவில் உடல்நிலை கோளாறு காரணமாக காவேரி மருத்துவமனையில் அனுமதிக்கபட்டார். தொடர்ந்து சிகிச்சை பெற்று வந்த நிலையில், சிகிச்சை பலனின்றி கடந்த 7-ம் தேதி மாலை 6.10 மணியளவில் காலமானார்.
அரசியல் தலைவர்கள், சினிமா பிரபலங்கள் மற்றும் பொதுமக்களின் கண்ணீர் அஞ்சலிக்கு பிறகு, அவரது உடல் சென்னை மெரினா கடற்கரையில் அண்ணா சமாதிக்கு அருகில் நல்லடக்கம் செய்யப்பட்டது. தற்போது பொதுமக்கள் பலரும் கருணாநிதி சமாதிக்கு நேரில் வந்து மரியாதை செலுத்தி வருகின்றனர். அதேபோல் அரசியல் தலைவர்கள் மற்றும் சினிமா பிரபலங்களும் கருணாநிதி சமாதிக்கு வந்து அஞ்சலி செலுத்தி வருகின்றனர்.
இந்த நிலையில், அமெரிக்காவில் சர்கார் படப்பிடிப்பை முடித்துக் கொண்டு இன்று அதிகாலை சென்னை திரும்பிய நடிகர் விஜய், மெரினா கடற்கரையில் உள்ள கருணாநிதி சமாதிக்கு சென்று மரியாதை செலுத்தினார். அவர் மரியாதை செலுத்தும் வீடியோ தற்போது இணையத்தில் வைரலாகி வருகிறது.
#தளபதிவிஜய் #சர்கார் படப்பிடிப்பு முடித்துவிட்டு, அமெரிக்காவிலிருந்து
22 மணி நேரம் பயணம் செய்து, ஏர்போர்ட்டிலிருந்து நேராக காலை 4 மணிக்கு டாக்டர் கலைஞர் கருணாநிதி சமாதிக்கு சென்று அஞ்சலி செலுத்தினார்.@mkstalin @Udhaystalin@actorvijay @RIAZtheboss @Jagadishbliss pic.twitter.com/rGyRePlPIn— Kayal Devaraj (@devarajdevaraj) August 13, 2018
