Diwali Rasipalan: தீப ஒளியின் பண்டிகையான தீபாவளி திருநாள் நாளை, அதாவது அக்டோபர் 31 வியாழன் அன்று கொண்டாடப்படும். இந்த ஆண்டின் தீபாவளி ஜோதிட ரீதியாக மிகவும் சிறப்பம்சம் வாய்ந்ததாக பார்க்கபப்டுகின்றது. இந்த நாளில் பல சுப யோகங்கள் உருவாகின்றன.
இந்த ஆண்டு தீபாவளி மிகவும் சிறப்பு வாய்ந்ததாக இருக்கும் என ஜோதிடர்கள் கருதுகிறார்கள். இந்த ஆண்டு தீபாவளிக்கான திதி அக்டோபர் 31 மற்றும் நவம்பர் 1 என இரு நாட்களிலும் இருக்கின்றது. 30 ஆண்டுகளுக்குப் பிறகு, தீபாவளி பண்டிகை அமையும் இரண்டு நாட்களிலும் நீதியின் கடவுளான சனி பகவான் தனது அசல் திரிகோண ராசியான கும்பத்தில் சஞ்சரித்திருப்பார். இது மிகவும் சக்திவாய்ந்த 'ஷஷ ராஜயோகத்தை' உருவாக்கும். இது தவிர, இந்த நாளில் புதனும் சுக்கிரனும் விருச்சிக ராசியில் செல்வத்தையும், நற்பலன்களையும் தரும் லக்ஷ்மி நாராயண யோகத்தை உருவாக்குவார்கள்.
தீபாவளியன்று உருவாகும் நல்ல யோகங்கள், திபாவளிக்கு முன்னும் பின்னும் நடக்கும் கிரக மாற்றங்கள் ஆகியவற்றின் தாக்கம் அனைத்து ராசிகளிலும் காணப்படும். எனினும், சில ராசிகளில் இதனால் அதிகப்படியான நன்மைகள் ஏற்படும். இந்த ராசிக்காரர்களுக்கு இந்த நாள் மிகவும் சிறப்பு வாய்ந்ததாக இருக்கும். இந்த ராசிக்காரர்கள் தீபாவளியன்றும், தீபாவளிக்கு பின்னரும், பல சுப பலன்களைப் பெறுவார்கள். நிதி ஆதாயங்களுடன், பல கூடுதல் நன்மைகளையும் பெறுவார்கள். அந்த அதிர்ஷ்டக்கார ராசிகளை பற்றி இந்த பதிவில் காணலாம்.
ரிஷபம் (Taurus):
ரிஷப ராசிக்காரர்களுக்கு கூடுதல் வருமானம் கிடைக்கும்: ரிஷப ராசிக்காரர்களுக்கு தீபாவளி முதல் வருமானம் அதிகரிக்கும். இவர்களுக்கு வழக்கத்தை விட கூடுதல் வருமானம் கிடைக்கும். தீபாவளியன்று சில நல்ல செய்திகள் கிடைக்கும், இதனால் அவர்களின் பதற்றம் நீங்கும். குழந்தைகள் மூலம் பல நல்ல செய்திகள் கிடைக்கும். குடும்பத்தில் மகிழ்ச்சியான சூழல் நிலவும். பண்டிகையை குடும்பத்துடன் கொண்டாடி மகிழ்ச்சி அடைவீர்கள்.
சிம்மம் (Leo):
சிம்ம ராசிக்காரர்கள் மகிழ்ச்சியாக இருப்பார்கள்: தீபாவளி சிம்ம ராசிக்காரர்களுக்கு மகிழ்ச்சியை கொண்டு வரும். நீண்ட நாட்களாக நிலுவையில் இருந்த பணிகள் இப்போது முடிவுக்கு வரும். கணவன்-மனைவி இடையே பரஸ்பர புரிதல் இருக்கும், இது அவர்களுக்கு மகிழ்ச்சியைத் தரும். ஷஷ ராஜயோகத்தின் தாக்கத்தால் மகிழ்ச்சி அதிகரிக்கும். வாட்டி வதைத்து வந்த பிரச்சனைகள் தீரும். நண்பர்களை சந்திக்க வாய்ப்பு கிடைக்கும். இதன் மூலம் மனம் மகிழ்ச்சியாய் இருக்கும்.
மேலும் படிக்க | நரக சதுர்தசி... சொர்க்கம் போன்ற வாழ்வைப் பெறும் சில ராசிகள்
கன்னி (Virgo)
கன்னி ராசிக்காரர்களுக்கு நல்ல செய்தி கிடைக்கும்: கிரக நிலைகளின் தாக்கத்தால் கன்னி ராசிக்காரர்களுக்கு தீபாவளி முதல் தொடர்ந்து பல நல்ல செய்திகள் கிடைக்கும். நீண்ட நாட்களாக ஒரு இடத்தில் சிக்கி இருந்த பணம் திரும்பக் கிடைக்கும். புத்திசாலித்தனமாக எடுக்கும் முடிவுகள் எதிர்காலத்திற்கு பயனுள்ளதாக இருக்கும். சனி பகவானின் அருள் கிட்டும். முன்பு செய்த முதலீடுகள் மூலம் இந்த நேரத்தில் பலன் கிடைக்கும். நண்பர்களுடன் வெளியே செல்ல வாய்ப்பு கிடைகும். இதனால் மகிழ்ச்சி அதிகரிக்கும்.
விருச்சிகம் (Scorpio)
விருச்சிக ராசிக்காரர்கள் புதிய சொத்து வாங்குவீர்கள்: விருச்சிக ராசிக்காரர்களுக்கு தீபாவளியில் புதிய சொத்து, வாகனம் வாங்கும் யோகம் உண்டாகும். இப்போது முதலீடுகளை செய்யலாம். இது எதிர்காலத்தில் அவர்களுக்கு பன்மடங்கு பயனளிக்கும். புதிய நபர்களின் சந்திப்பு நன்மை தரும். வேலையில் ஊதிய உயர்வுடன் பதவி உயர்வும் கூடும். மூதாதையர் சொத்துக்களால் ஆதாயம் உண்டாகும்.
மீனம் (Pisces):
மீன ராசிக்காரர்களுக்கு பதவி உயர்வு கிடைக்கும்: லக்ஷ்மி நாராயண யோகத்தின் விளைவாக, மீன ராசிக்காரர்களுக்கு இந்த நேரத்தில் அலுவலகத்தில் பல வித அனுகூலமான நன்மைகள் ஏற்படும். பதவி உயர்வு மற்றும் ஊதிய உயர்வு என இரண்டும் கிடைக்க வாய்ப்புகள் உள்ளன. மேல் அதிகாரிகள் உங்களது வேலையில் திருப்தி அடைவார்கள். வெளிநாட்டு பயணமும் செல்ல வாய்ப்புள்ளது. ஆடம்பர செலவுகள் செய்யும் அளவு பண வரவு அதிகமாகும். இதனால் சமூகத்தில் அவர்களின் அந்தஸ்து உயரும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை. )
மேலும் படிக்க | தீபாவளிக்கு முந்தைய நாள் ‘இந்த’ 2 ராசிகளுக்கு எதிர்பாராத அதிர்ஷ்டம் அடிக்கப்போகுது!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
