Pawan Kalyan Gave Nod to Unstoppable With NBK 2: నందమూరి బాలకృష్ణ హోస్ట్గా వ్యవహరిస్తున్న అన్ స్టాప్ ఫుల్ విత్ ఎన్బీకే మొదటి సీజన్ విజయవంతంగా పూర్తి కావడంతో రెండవ సీజన్ కూడా ప్లాన్ చేసింది ఆహా యాజమాన్యం. అందులో భాగంగానే అన్ స్టాపబుల్ సెకండ్ సీజన్ కూడా అద్భుతంగా మంచి స్పందన తెచ్చుకుంటుంది. చంద్రబాబు- నారా లోకేష్, కిరణ్ కుమార్ రెడ్డి - సురేష్ రెడ్డి, ప్రభాస్ - గోపీచంద్, అడవి శేష్- శర్వానంద్, విశ్వక్సేన్ - సిద్దు జొన్నలగడ్డ వంటి వాళ్లతో ఎపిసోడ్లు ప్లాన్ చేశారు. వాటిలో రిలీజ్ అయిన ఎపిసోడ్స్ అన్నీ మంచి క్రేజ్ దక్కించుకున్నాయి.
ఇక బాలకృష్ణ కూడా ఈ షో ద్వారా మరింత మందికి చేరువయ్యే ప్రయత్నం చేస్తున్నాడు. అయితే గతంలో ఒక ఎపిసోడ్లో నిర్మాత నాగ వంశీ పాల్గొన్న సమయంలో స్వయంగా త్రివిక్రమ్ కు ఫోన్ కల్పి బాలకృష్ణతో మాట్లాడించారు. ఇక ఆ సమయంలో మీరు మా షో కి ఎప్పుడు వస్తున్నారు అని త్రివిక్రమ్ ను అడిగితే ఇప్పుడు రమ్మంటే ఇప్పుడే బయలుదేరి వచ్చేస్తానని త్రివిక్రమ్ పేర్కొన్నాడు. ఆ సమయంలో బాలకృష్ణ మాట్లాడుతూ సరే వస్తే వచ్చారు కానీ ఎవరితో కలిసి రావాలో తెలుసు కదా అని పేర్కొనడం అప్పట్లో హాట్ టాపిక్ గా మారింది.
పవన్ కళ్యాణ్, త్రివిక్రమ్ మంచి స్నేహితులు కావడంతో ఇద్దరూ కలిసి వస్తారని ప్రచారం జరిగింది. ఇక ఈ సీజన్ చివరి ఎపిసోడ్ లో వీరిద్దరితో కలిసిన ఎపిసోడ్ ప్లాన్ చేసే అవకాశం ఉందని ప్రచారం జరిగింది. అయితే ఎట్టకేలకు ఇప్పుడు తాజాగా సమాచారం మేరకు ఈ ఎపిసోడ్కి హాజరయ్యేందుకు పవర్ స్టార్ పవన్ కళ్యాణ్ గ్రీన్ సిగ్నల్ ఇచ్చినట్లు తెలుస్తోంది. అయితే ఈ ఎపిసోడ్ లో త్రివిక్రమ్ తో కలిసి పాల్గొంటారా లేక మరో స్టార్ ఎవరితో అయినా కలిసి పాల్గొంటారా అనే విషయం మాత్రం క్లారిటీ లేదు.
ఇక ఒక రకంగా చూసుకుంటే ఇది పవర్ స్టార్ పవన్ కళ్యాణ్ అభిమానులకు అటు నందమూరి అభిమానులకు కూడా పండగ లాంటి విషయమే. ఇప్పటికే నందమూరి అభిమానులు అందరూ ఈ షోను బీభత్సంగా ఎంజాయ్ చేస్తుంటే ఇప్పుడు మెగా ఫ్యామిలీ నుంచి పవన్ కళ్యాణ్ కనుక ఈ షో కి హాజరైతే అది షోకి మరింత బూస్ట్ అవ్వచ్చని ప్రచారం జరుగుతుంది. చూడాలి మరి ఈ ఎపిసోడ్ షూటింగ్ ఎప్పుడు జరగబోతుంది? ఎప్పుడు ఆ ఎపిసోడ్ రిలీజ్ చేయబోతున్నారు అనేది.
Also Read: Dhamaka Telugu Trailer: దుమ్ము రేపిన మాస్ 'ధమాకా'.. ఆ హీరోలు అందరికీ కౌంటరేసిన రవితేజ!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
