యంగ్ టైగర్ ఎన్టీఆర్ హీరోగా తెరకెక్కిన అరవింద సమేత సినిమా ఎప్పుడెప్పుడు విడుదలవుతుందా అని ఎదురుచూస్తున్న ఎన్టీఆర్ అభిమానులకు ఇదో గుడ్ న్యూస్. అయితే, అది విదేశాల్లో ఉన్న ఎన్టీఆర్ అభిమానులకు మాత్రమే వర్తించనుంది. అరవింద సమేత సినిమా అడ్వాన్స్ బుకింగ్స్ ప్రారంభించినట్టు ఆ సినిమాను విదేశాల్లో విడుదల చేస్తోన్న వైనవి హన్వి క్రియేషన్స్ ప్రకటించింది. ఇండియాలో రిలీజ్ కావాల్సి ఉన్న అక్టోబర్ 11కన్నా ఒక రోజు ముందే.. అంటే అక్టోబర్ 10నే అరవింద సమేత ఓవర్సీస్ ఆడియెన్స్ ముందుకు రానుంది. తాజాగా వైనవి హన్వి క్రియేషన్స్ ట్విటర్ ద్వారా ఈ విషయాన్ని వెల్లడించగా.. ఆ ట్వీట్‌ని చిత్ర నిర్మాణ సంస్థ హారిక అండ్ హాసిని క్రియేషన్స్ తమ ట్విటర్ హ్యాండిల్ ద్వారా అధికారికంగా ధృవీకరించింది.
BOOKINGS OPENED....
Grab your tickets to witness the #RageofTiger on screen from October 10th.... ✊🏻🤘🏻#AravindhaSametha @haarikahassine @tarak9999 #Trivikram @MusicThaman @hegdepooja @vamsi84 @haarikahassine pic.twitter.com/YSb5m3PhDy
— Vainavi Hanvi Creations (@vainavihanvi) September 28, 2018
మొదటిసారి ఎన్టీఆర్-త్రివిక్రమ్ దర్శకత్వంలో వస్తోన్న సినిమా కావడంతో 'అరవింద సమేత'పై అభిమానుల్లో భారీ అంచనాలున్నాయి. అందుకు తోడు ఇప్పటికే రిలీజైన ఈ సినిమా పాటలు సంచలనం సృష్టిస్తున్నాయి. హారికా అండ్ హాసిని క్రియేషన్స్ బ్యానర్‌పై ఎస్ రాధాకృష్ణ నిర్మించిన ఈ సినిమాకు థమన్ మ్యూజిక్ కంపోజ్ చేయగా ఎన్టీఆర్ సరసన పూజా హెగ్డె జంటగా నటించింది.
