ప్రధాని నరేంద్ర మోదీ మహారాష్ట్రలోని షిర్డీలో పర్యటిస్తున్నారు. ఈ సందర్భంగా ఆయన షిర్డీ సాయిబాబా మహా సమాధి శతాబ్ది ఉత్సవాల్లో పాల్గొన్నారు. ప్రత్యేక పూజలు చేశారు. సాయిబాబాను ప్రధాని మోదీతో పాటు గవర్నర్ విద్యాసాగర్‌రావు, సీఎం దేవేంద్ర ఫడ్నవీస్ దర్శించుకున్నారు.
Maharashtra: Prime Minister Narendra Modi offers prayers at Shri Saibaba Samadhi Temple Complex in Shirdi. pic.twitter.com/WquG1JGQfS
— ANI (@ANI) October 19, 2018
అనంతరం షిర్డీలో ఏర్పాటు చేసిన ఓ సమావేశంలో మోదీ పాల్గొన్నారు. ప్రధానమంత్రి ఆవాస్ యోజన పథకం కింద అర్హులైన 2,44,444 మంది లబ్దిదారులకు మోదీ తాళంచెవులు అందజేశారు.
Prime Minister Narendra Modi hands over keys to beneficiaries of Pradhan Mantri Awas Yojana (Rural) in Shirdi. #Maharashtra CM Devendra Fadnavis also present. pic.twitter.com/oFNOdRagWX
— ANI (@ANI) October 19, 2018
"పేదలకు సొంతింటి కలలు నెరవేర్చాలనేది మా ప్రభుత్వ లక్ష్యం. దీనిని దృష్టిలో ఉంచుకొని మా ప్రభుత్వం 2022 నాటికి ప్రతి కుటుంబానికి సొంతిల్లు నిర్మించి ఇవ్వాలని లక్ష్యంగా పెట్టుకుంది. ఈ క్రమంలో మేము సగం ప్రయాణాన్ని పూర్తి చేసినందుకు సంతోషిస్తున్నాను."అని షిర్డీలో జరిగిన ఒక బహిరంగ కార్యక్రమంలో ప్రధానమంత్రి అన్నారు.
A permanent house makes life easy & provides enthusiasm to fight against poverty. Keeping this in mind, the govt has set the goal of providing a permanent house to every family by 2022. I am happy that we have completed half the journey: PM Narendra Modi in Shirdi, Maharashtra pic.twitter.com/ot4IgZbUgf
— ANI (@ANI) October 19, 2018
ఈ క్రమంలో మోదీ యూపీఏ, కాంగ్రెస్ మీద నిప్పులు చెరిగారు. గత యూపీఏ ప్రభుత్వం కేవలం 25 లక్షల గృహాలను నిర్మించి ఇస్తే, గత నాలుగేళ్లలో భారతీయ జనతాపార్టీ నేతృత్వంలోని ఎన్డీయే కూటమి ప్రభుత్వం కోటి 25 లక్షల గృహాలను నిర్మించి ఇచ్చిందన్నారు.
In its last 4 years of governance, the previous govt built only 25 Lakh houses. In last 4 years, the BJP-led central govt built 1.25 Crore houses: Prime Minister Narendra Modi in Shirdi, Maharashtra pic.twitter.com/sZMnIhvWVX
— ANI (@ANI) October 19, 2018
తృప్తీ దేశాయ్ ముందస్తు అరెస్టు
ప్రధాని మోదీ షిర్డీ పర్యటన దృష్ట్యా.. సామాజిక కార్యకర్త తృప్తీ దేశాయ్‌ను పోలీసులు ముందస్తుగా అరెస్టు చేశారు. శబరిమలలో మహిళల ఆలయ ప్రవేశ అంశాన్ని మోదీతో చర్చించేందుకు తనకు అనుమతి ఇవ్వాలని తాజాగా తృప్తీ దేశాయ్ కోరారు. ఒకవేళ పర్మిషన్ ఇవ్వకపోతే.. మోదీ పర్యటనను అడ్డుకుంటామని హెచ్చరించారు. దీంతో తృప్తీ దేశాయ్‌ను హౌజ్ అరెస్టుచేసి పోలీసులను కాపలాగా పెట్టారు.
