நீங்கள் கடவுளின் குழந்தை அப்பா - ரஜினிக்கு மகளின் வாழ்த்து

நீங்கள் கடவுளின் குழந்தை அப்பா என ரஜினிக்கு அவரது மகள் சௌந்தர்யா வாழ்த்து தெரிவித்துள்ளார்.

தமிழ் சினிமாவில் சூப்பர் ஸ்டார் என்ற பட்டம் ரஜினிக்கு நிரந்தரமாக எழுதி வைக்கப்பட்டிருக்கிறது. அபூர்வ ராகங்கள் மூலம் 1975ஆம் ஆண்டு தனது திரைப்பயணத்தை தொடங்கிய ரஜினி 47 வருடங்களாக ஓடிக்கொண்டிருக்கிறார். இளைய ஹீரோக்கள் எத்தனை பேர் வந்தாலும் ரஜினிதான் இப்போதும் டாப் 1 என்ற இடத்தில் இருக்கிறார். இதற்கு காரணம் ரஜினியின் ஸ்டைல் மட்டுமின்றி அவரது உழைப்புதான் என்பது அவரை நன்கு அறிந்த அனைவருக்கும் தெரியும். வில்லன், கதாநாயகன் என எந்த கதாபாத்திரம் கொடுத்தாலும் அதில் தனது தனித்துவமான ஸ்டைலையும், நடிப்பையும் கலந்துகொடுப்பதால்தான் அவர் இன்றளவும் சூப்பர் ஸ்டார் நாற்காலியில் அமர்ந்திருக்கிறார்.

இந்தச் சூழலில் ரஜினி திரையலக பயணத்தை ஆரம்பித்து 47 வருடங்கள் நிறைவடைந்திருக்கின்றன. இதனையடுத்து அவரது ரசிகர்கள் சமூக வலைதளங்களில் 47 Years OF Rajinism என்ற ஹேஷ் டேக்கை ட்ரெண்ட் செய்துள்ளனர். திரையுலகில் 47 வருடங்களை நிறைவு செய்திருக்கும் ரஜினிக்கு பலரும் தங்களது வாழ்த்தினை தெரிவித்துவருகின்றனர்.

அந்தவகையில் அவரது மகள்களான ஐஸ்வர்யாவும், சௌந்தர்யாவும் ரஜினிக்கு வாழ்த்து தெரிவித்துவருகின்றனர். சௌந்தர்யா தனது ட்விட்டர் பக்கத்தில், “47 வருட மேஜிக். அப்பா, நீங்கள் தெய்வக் குழந்தை. உணர்வுப்பூர்வமானவர் நீங்கள். வார்த்தைகளால் உங்களை விவரிக்க முடியாது. லவ் யூ தலைவா” என்று பதிவு செய்துள்ளார்.

47 years of pure magic !!!  you are gods child dearest appa !!!! You are an emotion that words cannot explain 
Love you Thalaivaaa  #47YearsOfRajinism pic.twitter.com/b4bzmcYLzz

— soundarya rajnikanth (@soundaryaarajni) August 15, 2022

முன்னதாக, ரஜினியின் மூத்த மகள் ஐஸ்வர்யா தனது ட்விட்டர் பக்கத்தில் ரஜினிக்கு தேசியக்கொடியை குத்திவிடும் புகைப்படத்தையும், 47 Years Of Rajinism என்ற புகைப்படத்தையும் பகிர்ந்து, ரஜினிக்கு மகளாக பிறந்தது பெருமையாக இருக்கிறதென்று பதிவிட்டிருந்தார்.

76 years of independence saluting sacrifices,struggles n strength.. #proudindia
47 years of #rajinism .. sheer hard work grit n dedication !proud to born to him #prouddaughter pic.twitter.com/be5yZGDHwu

— Aishwarya Rajinikanth (@ash_rajinikanth) August 15, 2022

இதுவரை 168 படங்களில் நடித்திருக்கும் ரஜினிகாந்த் கடைசியாக அண்ணாத்த படத்தில் நடித்தார். இதனையடுத்து அவர் தற்போது நெல்சன் திலீப்குமார் இயக்கத்தில் ஜெயிலர் படத்தில் நடிக்கவிருக்கிறார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ