Allu Arjun Varudu : 'వరుడు' ఎప్పటికీ ప్రత్యేకమే.. పదమూడేళ్లైందన్న హీరోయిన్

Varudu Movie Completes 13 Years వరుడు సినిమా వచ్చి నేటితో పదమూడేళ్లు అయిందని హీరోయిన్ భాను శ్రీ మెహ్రా చెప్పుకొచ్చింది. ఆ సినిమా తనకు ఎప్పటికీ ప్రత్యేకమేనని ఎమోషనల్ అయింది. నాటి నుంచి నేటి వరకు తన ప్రయాణం సాగిందని చెప్పుకొచ్చింది.

Varudu Movie Completes 13 Years వరడు సినిమా పదమూడేళ్లైన సందర్భంగా ఇలా సెలెబ్రేట్ చేసుకుంటున్నాను.. నా మనసులో ఆ సినిమా పట్ల ఎప్పుడూ ప్రత్యేకమైన స్థానం, ప్రేమ ఉంటాయి.. ఇప్పుడు నా కాశ్మీర్ ట్రిప్‌ నా మనసులో ఎలా ఉండిపోయిందో.. వరుడు సినిమా కూడా అలానే నిలిచిపోతుంది.. వరుడు సినిమా నుంచి ఇప్పుడు నా యూట్యూబ్ జర్నీ వరకు నేను ప్రతీ క్షణం ఎంజాయ్ చేస్తూనే పని చేశాను అంటూ చెప్పుకొచ్చింది.

వరుడు సినిమా 2010లో వచ్చిన సంగతి తెలిసిందే. అయితే గుణ శేఖర్, అల్లు అర్జున్ కాంబోలో సినిమా అవ్వడం, ఐదు రోజులు పెళ్లి అంటూ ఆశలు రేపడం.. హీరోయిన్‌ను ప్రమోషన్స్‌లో ఎక్కడా చూపించకపోవడం, సినిమా ప్రారంభం అయి నలభై నిమిషాలు అయినా హీరోయిన్‌ను చూపించకపోవడం, అసలు హీరోయిన్ అంత అందంగా ఉందా? అందుకే ఇంత ఊరిస్తున్నారా? అని అంతా అనుకున్నారు. కానీ తీరా భాను శ్రీని చూసి జనాలు నిట్టూర్చారు. ఈ హీరోయిన్ కోసమా? ఇంత దాచి పెట్టి ఉడికించారు? అని పెదవి విరిచారు.

అలా వరుడు సినిమా డిజాస్టర్ అవ్వడానికి భాను శ్రీ కూడా ప్రత్యక్షంగా కారణమైంది. అయితే భాను శ్రీని ఆ తరువాత టాలీవుడ్ మేకర్లు ఎవ్వరూ కూడా హీరోయిన్‌గా పెట్టుకోలేదు. పెద్ద హీరోలు అయితే ఆమె వైపు కూడా చూడలేదు. ఆమె చేసిన అడపాదడపా సినిమాలు కూడా అంతగా ఆడలేదు. దీంతో సైలెంట్‌గా పెళ్లి చేసుకుని సంసార జీవితాన్ని సాగిస్తూ వస్తోంది.

Celebrating 13 years of #Varudu today! The film will always hold a special place in my heart, just like my recent trip to Kashmir. From Varudu to YouTube - life's a journey, and I'm enjoying every bit of the ride. Do Check this out 😊https://t.co/frnr3ReX3U pic.twitter.com/v1LmyPXx52

— Bhanushree Mehra (@IAmBhanuShree) March 31, 2023

ఇక సోషల్ మీడియా ఊపందుకున్న తరువాత ఆమె తనకంటూ ఓ యూట్యూబ్ చానెల్‌ను పెట్టుకుంది. అందులో రకరకాల వీడియోలు షేర్ చేస్తూ వస్తోంది. వెకేషన్లు, పార్టీలకు సంబంధించిన వీడియోలను షేర్ చేస్తూ ఉంటుంది. ఇప్పుడు ఆమె కాశ్మీర్ ట్రిప్ వేసినట్టుంది. దానికి సంబంధించిన వీడియోను కూడా షేర్ చేసింది. మొన్నటికి మొన్న బన్నీ తనను అన్ బ్లాక్ చేశాడంటూ వాపోవడం,ఆ స్క్రీన్ షాట్లను ట్విట్టర్‌లో షేర్ చేయడంతో ఒక్కసారిగా భాను శ్రీ లైమ్‌ లైట్‌లోకి వచ్చింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.