கத்தியை காட்டி மிரட்டி 75 பவுன் தங்க நகை மற்றும் ஒரு லட்ச ரூபாய் ரொக்கம் கொள்ளை
மதுரை மாவட்டம் மேலூர் அருகே சத்தியபுரம் கிராமத்தில் நள்ளிரவில் வீட்டிற்குள் புகுந்த கொள்ளையர்கள் வீட்டில் இருந்த குடும்பத்தினரை கத்தியை காட்டி மிரட்டி 75பவுன் தங்க நகை மற்றும் ஒரு லட்ச ரூபாய் ரொக்கப் பணத்தை கொள்ளையடித்து சென்றுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.
மதுரை (Madurai)மாவட்டம் மேலூர் அருகே சத்தியபுரம் கிராமத்தில் வசிப்பவர் கோபி. இவருக்கு வயது 30. வெளிநாடு சென்று ஊர் திரும்பிய இவர், கடந்த ஆறு மாதங்களாக கிராமத்தில் விவசாய பணிகளில் ஈடுபட்டு வருகிறார்.
தனது வீட்டில் இவர் தாய் மற்றும் மனைவி குழந்தைகளுடன் வசித்து வருகிறார்.
இந்நிலையில் நள்ளிரவில் இவரது வீட்டினுள் புகுந்த நான்கு பேர் கொண்ட கொள்ளைக் கும்பல் கத்தியை காட்டி மிரட்டி கோபி மற்றும் அவரது தாய் இந்திரா மற்றும் அவரது மனைவி அணிந்திருந்த தாலி செயின், குழந்தையின் நகைகள் உட்பட, 75 சவரன் தங்க நகை மற்றும் ரொக்கப்பணம் ரூபாய் ஒரு லட்சத்தை கொள்ளையடித்து (Robbery) விட்டு தப்பி சென்றுள்ளனர்.
ALSO READ | ஐந்து வயது பெண்குழந்தையை பாலியல் வன்கொடுமை செய்த 10 வயது சிறுவர்கள்
கொள்ளையர்கள் செல்லும்போது குடும்பத்தினரை வீட்டினுள் வைத்து பூட்டி விட்டு சென்றதால் வெளியே அவர்கள் வர முடியாமல் தவித்தவர்கள். நீண்ட நேரப் போராட்டத்திற்குப் பின்பு அருகில் இருந்தவர்கள் வந்து பூட்டை உடைத்து குடும்பத்தினரை மீட்டுள்ளனர். இதன் பின்னர் மேலூர் போலீசாருக்கு தகவல் தெரிவிக்கப்பட்டது.
மேலூர் காவல்துறை (TN Police) துணை கண்காணிப்பாளர் பிரபாகரன் நேரில் விசாரணை நடத்தினார். அதனை அடுத்து கைரேகை நிபுணர்கள் வரவழைக்கப்பட்டு தடயங்கள் சேகரிக்கப்பட்டு கொள்ளையர்களை போலீசார் தேடி வருகின்றனர்.
கொள்ளையர்கள் அனைவரும் 30 வயதுக்கு மிகாமல் இருந்ததாகவும் முகமூடி அணிந்து வந்து பயங்கர ஆயுதங்களை காட்டி தங்களை மிரட்டி நகைகளை பறித்துச் சென்றதாகவும் கோபியின் தாயார் இந்திரா தெரிவித்தார். இந்த கொள்ளை சம்பவம் அப்பகுதியில் பெரும் பரபரப்பை ஏற்படுத்தியுள்ளது.
ALSO READ | பெண்களை குறிவைத்து மோசடி செய்த ’கில்லாடி’ கொள்ளையன் கைது..!
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
