Vikram Gokhale's Death News: విక్రమ్ గోఖలే మృతి.. బాలీవుడ్ దిగ్భ్రాంతి

Vikram Gokhale's Death News : విక్రమ్ గోఖలే మృతిపై తీవ్ర దిగ్భ్రాంతి వ్యక్తంచేసిన అజయ్ దేవగన్.. గోఖలే ఏ పాత్ర పోషించినా ఆ పాత్రకు వన్నె తెచ్చారని కొనియాడారు. విక్రమ్ గోఖలేతో కలిసి పనిచేసే అవకాశం రావడం తన అదృష్టంగా భావిస్తున్నాను అని అజయ్ దేవగన్ ట్వీట్ చేశారు.

Vikram Gokhale's Death News : బాలీవుడ్ సీనియర్ నటుడు విక్రమ్ గోఖలే ఇక లేరు. గత కాంత కాలంగా అనారోగ్యంతో బాధపడుతున్న విక్రమ్ గోఖలే పూణెలోని దీననాథ్ మంగేష్కర్ హాస్పిటల్లో కొద్దిసేపటి క్రితం తుదిశ్వాస విడిచారు. ప్రస్తుతం ఆయన వయస్సు 82 ఏళ్లు. బాలీవుడ్ సినిమాలతో పాటు టీవీ సీరియల్స్ లోనూ విక్రమ్ గోఖలే నటించి మెప్పించారు. రంగస్థలంపైనా విక్రమ్ గోఖలే తనదైన ముద్ర వేసుకున్నారు. 

విక్రమ్ గోఖలే మృతిపై తీవ్ర దిగ్భ్రాంతి వ్యక్తంచేసిన అజయ్ దేవగన్.. గోఖలే ఏ పాత్ర పోషించినా ఆ పాత్రకు వన్నె తెచ్చారని కొనియాడారు. ఆయనతో కలిసి పనిచేసే అవకాశం రావడం తన అదృష్టంగా భావిస్తున్నాను అని ట్వీట్ చేసిన అజయ్ దేవగన్.. విక్రమ్ గోఖలే మృతి బాధాకరం అని ఆవేదన వ్యక్తంచేశారు. గోఖలేకి నివాళి అర్పిస్తూ ఆయన కుటుంబసభ్యులకు తన ప్రగాఢ సంతాపం ప్రకటించారు. 

Vikram Gokhale Sir brought a lot of gravitas to the roles he essayed. He always stood tall. I had the good fortune of sharing screen time with him. His passing away is very sad. I pray his soul finds eternal peace. RIP Vikram Sir.
Condolences to his family 🙏🕉Shanti pic.twitter.com/8oAWP2zBjm

— Ajay Devgn (@ajaydevgn) November 23, 2022

బాలీవుడ్ లో 1990 లలో అమితాబ్ బచ్చన్ తో కలిసి నటించిన అగ్నీపథ్, 1999లో సల్మాన్ ఖాన్, ఐశ్వర్యా రాయ్ బచ్చన్ జంటగా నటించిన హమ్ దిల్ దే చుకే సనం వంటి చిత్రాలు విక్రమ్ గోఖలేకు మంచి పేరు తీసుకొచ్చి పెట్టాయి. 

May god rest your soul in peace sir 🙏🏼 #VikramGokhale pic.twitter.com/fk4nEOQESE

— Aly Goni (@AlyGoni) November 23, 2022

బాలీవుడ్ సినీ పరిశ్రమతో పాటు మరాఠి చిత్ర సీమలోనూ విక్రమ్ గోఖలే తన ముద్ర వేసుకున్నారు. 2010 లో మరాఠిలో విక్రమ్ గోఖలే నటించిన అనుమతి సినిమాకుగాను ఆయన ఆ ఏడాదికిగాను మరాఠిలో ఉత్తమ నటుడిగా నేషనల్ అవార్డ్ అందుకున్నారు. మరాఠిలో ఆఘాత్ అనే చిత్రాన్ని డైరెక్ట్ చేసి తొలిసారిగా దర్శకుడిగానూ పరిచయం అయ్యారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.