తాను స్టెప్పేస్తే చూసి ప్రాణాలోదిలేసిన వాళ్లు కూడా ఉన్నారు.. అందుకే ముందే కాస్త గుండెలు చేతపట్టుకోండి అంటోంది కత్రినా కైఫ్. అమీర్ ఖాన్, అమితాబ్ బచ్చన్, కత్రినా కైఫ్ ప్రధాన పాత్రల్లో తెరకెక్కిన థగ్స్ ఆఫ్ హిందుస్తాన్ మూవీ దీపావళి కానుకగా ఈ నవంబర్ 8న విడుదల కానున్న సంగతి తెలిసిందే. సినిమా విడుదల తేదీ సమీపిస్తున్న సందర్భంగా తాజాగా ఈ సినిమాలోంచి సురయ్య అనే సాంగ్ టీజర్‌ని విడుదల చేశారు. మ్యూజిక్ కంపోజర్స్ ద్వయం అజయ్-అతుల్ మ్యూజిక్ కంపోజ్ చేయగా.. నకాష్ అజీజ్, శ్రేయా ఘోషాల్ ఈ పాట పాడారు. ఈ పాటకు కత్రినా కైఫ్ వేసిన స్టెప్పులు, బాడీ లాంగ్వెజ్ చూస్తే, ఆమె మాటలు నిజమేనేమోననేలానే ఉంది. విజయ్ కృష్ణ ఆచార్య దర్శకత్వం వహిస్తున్న ఈ సినిమాను యాశ్ రాజ్ ఫిలింస్ నిర్మించింది. హిందీలో ప్రముఖ గేయ రచయిత అమితాబ్ భట్టాచార్య రచించిన ఈ పాటను చైతన్య ప్రసాద్ తెలుగులోకి అనువదించారు.
