Surykuamr Yadav Injury: టీమిండియా స్టార్ బ్యాటర్ సూర్యకుమార్ యాదవ్ (Suryakumar Yadav) సర్జరీ విజయవంతమైంది. స్పోర్ట్స్ హెర్నియా(Sports Hernia)తో బాధపడుతున్న సూర్యకు బుధవారం జ‌ర్మ‌నీలో శ‌స్త్ర చికిత్స జ‌రిగింది. ఈ విషయాన్ని సూర్యనే స్వయంగా సోషల్ మీడియా వేదికగా వెల్లడించాడు. ఈ క్రమంలో హాస్పిట‌ల్ బెడ్ మీద ఉన్న ఫొటోను షేర్ చేశాడు. ''నా శస్త్రచికిత్స సక్సెస్ అయింది. నా ఆరోగ్యం తొందరగా మెరుగవ్వాలని కోరుకున్న ప్రతి ఒక్కరికి ధన్యవాదాలు. నేను త్వరలో తిరిగి వస్తానని'' అంటూ ఈ మిస్టర్ 360 రాసుకొచ్చాడు.
గతేడాది డిసెంబర్‌లో దక్షిణాఫ్రికాతో జరిగిన టీ20 మ్యాచ్‌లో సూర్యకుమార్ యాదవ్ తీవ్రంగా గాయపడ్డాడు. అతని చీలమండలోని లిగమెంట్లు నలిగిపోయాయి. దీనినే స్పోర్ట్స్ హెర్నియా అంటారు. వైద్యపరిభాషలో దీనిని ‘'అథ్లెటిక్ పుబ‌ల్జియా'(Athletic Publgia) అని పిలుస్తారు. ఈ స్పోర్ట్స్ హెర్నియా కారణంగా సూర్య దక్షిణాఫ్రికాతో వన్డే సిరీస్ మరియు ఆఫ్ఘనిస్తాన్‌తో జరిగిన టీ20 సిరీస్‌లకు దూరమయ్యాడు. ఈ సమస్య ఎక్కువగా ఫుట్‌బాల్, రెజ్లింగ్, ఐస్ హాకీ ఆడేవాళ్లలో కనిపిస్తుంది. అరుదుగా క్రికెటర్లు ఈ వ్యాధి బారినపడతారు. రెండేళ్ల కిందట టీమిండియా స్టార్ బ్యాటర్ కేఎల్ రాహుల్(KL Rahul) కూడా ఈ స‌మ‌స్య‌తో బాధ‌ప‌డ్డాడు. ఆ తర్వాత అతడు 2022లో సర్జరీ చేయించుకుని రాహుల్ పునరాగమనం చేశాడు.
Also read:India vs Afghanistan: అఫ్గానిస్థాన్‌పై రోహిత్ శర్మ ఊచకోత.. టీ20ల్లో సరికొత్త రికార్డు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
