Sree Leela as Second Heroine in SSMB 28: తెలుగు ప్రేక్షకులకు సూపర్ స్టార్ మహేష్ బాబు గురించి ప్రత్యేకంగా చెప్పాల్సిన అవసరం లేదు. ఆయన ప్రస్తుతానికి త్రివిక్రమ్ దర్శకత్వంలో తన 28వ సినిమాలో నటిస్తున్నాడు, ఈ సినిమాకు సంబంధించిన షూటింగ్ ఇప్పటికే ఒక షెడ్యూల్ పూర్తయిందని కొన్ని వార్తలు వచ్చాయి. తరువాత మహేష్ బాబు తల్లి మరణించడం, సూపర్ స్టార్ కృష్ణ మరణించడంతో ఆయన తీవ్ర విషాదంలో మునిగిపోయారు.
ప్రస్తుతానికి అయితే ఎలాంటి షూటింగ్ జరగడం లేదు అయితే ఈ సినిమాకు సంబంధించి పూర్తి కథ మార్చమని మహేష్ బాబు కోరినట్లు, దీంతో త్రివిక్రమ్ కూడా కథ పూర్తిగా మార్చేసినట్టు కూడా ప్రచారం జరుగుతుంది. అయితే ఆ విషయం మీద పూర్తిగా క్లారిటీ లేదు కానీ ఈ సినిమాలో నటించే హీరోయిన్ల విషయం మీద మాత్రం క్లారిటీ వచ్చింది. ఇప్పటికే ఈ సినిమాలో పూజా హెగ్డే హీరోయిన్ గా నటిస్తున్నట్టు అధికారికంగా ప్రకటించారు. ఇక తాజాగా రెండో హీరోయిన్ పాత్ర కోసం కన్నడ భామ శ్రీలీలను రంగంలోకి దించినట్లుగా తెలుస్తోంది.
అంతేకాక ఈ సినిమా నుంచి టీం నుంచి అందుతున్న సమాచారం మేరకు ఈ సినిమాలో ఒక హీరోయిన్ తో క్రేజీ ఐటెం సాంగ్ చేయించబోతున్నారని తెలుస్తోంది. వాస్తవానికి త్రివిక్రమ్ ఇలాంటి ఐటెం సాంగ్స్ విషయంలో కాస్త దూరంగా ఉంటారు. కానీ ఎందుకో ఈసారి త్రివిక్రమ్ ఐటెం సాంగ్ చేయించడానికి ఆసక్తి చూపుతున్నట్లు తెలుస్తోంది. ఆ క్రేజీ హీరోయిన్ ఎవరనే విషయం మీద ప్రస్తుతానికైతే క్లారిటీ లేదు కానీ ఆవిడ స్టార్ హీరోయిన్ అని మాత్రం అంటున్నారు.
మరోపక్క ఎలాగో త్రివిక్రమ్ శ్రీనివాస్ ఈ మధ్య చేస్తున్న సినిమాలన్నింటిలో ఎవరో ఒక సీనియర్ హీరోయిన్ ఉంటుందన్న సంగతి తెలిసిందే. ఇప్పుడు కూడా మరో హీరోయిన్ ని రంగంలోకి దించేందుకు ప్రయత్నాలు చేస్తున్నట్లు తెలుస్తోంది. ఇక ఈ సారి మహేష్ బాబు సినిమా పూర్తిస్థాయిలో ఒక ఫుల్ ప్యాక్డ్ ఎంటర్టైనర్ గా ఉండేలా ప్లాన్ చేస్తున్నట్లు ప్రచారం జరుగుతుంది.
Also Read: Ranasthali Movie Review : తెలుగు రా అండ్ రస్టిక్ 'రణస్థలి' మూవీ ఎలా ఉందంటే?
Also Read: Mahesh Babu Hair: తల్లిదండ్రులు మరణించినా తలనీలాలు తీయని మహేష్.. బాధ్యత లేక కాదు అసలు కారణం ఇది!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , Facebook
