Sunday Chicken Rates Down Fall: బర్డ్ ఫ్లూ భయం ప్రజల్ని వణికిస్తోంది. చికెన్ జోలికి వెళ్లాలంటేనే జనం భయపడుతున్నారు. దాంతో చికెన్ ధరలు ఒక్కసారిగా తగ్గిపోయాయి. ముఖ్యంగా బర్డ్ ఫ్లూ భయంతో చికెన్ వినియోగం భారీగా తగ్గిపోయాయి. సండే వచ్చిందంటే చాలు ఉదయం నుంచే చికెన్ సెంటర్లు కలకలలాడేవి. కాని ఇప్పుడు సీన్ సితార్ అయింది. కస్టమర్లు లేక చికెన్ సెంటర్లు వెలవెలపోతున్నాయి. బర్డ్ ఫ్లూ భయంతో చికెన్ తినాలంటే జనాలు భయపడిపోతున్నారు. అటు హైదరాబాద్ లో చికెన్ బిర్యానీ ఆర్డర్లు భారీగా తగ్గిపోయాయి. స్విగ్గీ ,జోమోటాలో గతంలో కంటే సగానికి పైగా బిర్యానీ ఆర్డర్లు తగ్గిపోయాయని చెబుతున్నారు. ఆన్ లైన్ లోనే కాదు హోటల్స్, రెస్టారెంట్లలో కూడా చికెన్ ప్రియులు తగ్గిపోయారు. కొన్ని చోట్ల బిర్యానీపై స్పెషల్ ఆఫర్లు పెట్టినా కస్టమర్లు డోంట్ కేర్ అంటున్నారు. బర్డ్ ఫ్లూ ఎఫెక్ట్ తో మాంసాహార ప్రియులు ఆదివారం పప్పు భోజనంతో సరిపెట్టకుంటున్నారు.
అయితే డాక్టర్లు మాత్రం బర్డ్ ఫ్లూ పట్ల అప్రమత్తత అవసరమే కానీ.. అది పెద్ద మహమ్మారి ఏం కాదు అంటున్నారు. కాబట్టి ఆందోళన చెందాల్సిన అవసరం లేదంటున్నారు. అసలు బర్డ్‌‌ఫ్లూ ఎలా వస్తుంది? వస్తే ఎవరికి ప్రమాదం? రాకుండా ఏం చేయాలి? అనే విషయాలు ఇప్పుడు తెలుసుకుందాం..
కరోనా వచ్చిన తర్వాత ప్యాండెమిక్ అనే పదం చాలా కామన్ అయిపోయింది. అయితే.. ఇప్పుడు కూడా ప్యాండెమిక్ పరిస్థితులు తలెత్తే ప్రమాదం ఉందని కొందరు బెంబేలెత్తిపోతున్నారు. మనుషుల్లో అదుపు చేయలేని విధంగా వ్యాధి వ్యాపిస్తేనే ప్యాండెమిక్ అంటారు. కానీ.. ఇప్పుడు ఎక్కడా అలాంటి పరిస్థితులు లేవు. ఇది పాంజూటిక్. అంటే జంతువులను మాత్రమే ఎక్కువగా ప్రభావితం చేసే వ్యాధి. ప్రస్తుతం బర్డ్ ఫ్లూ ఆస్ట్రేలియా తప్ప అన్ని ఖండాల్లో వ్యాపించింది. ఇది మన దగ్గర ప్రధానంగా కోళ్ల మీద ఎఫెక్ట్ చూపిస్తోంది. ఈ వ్యాధి సోకిన కోళ్లు నడవడానికి కూడా ఇబ్బందిపడుతూ తూలుతుంటాయి. అయినా.. బర్డ్ ఫ్లూ ప్రపంచానికి కొత్తగా వచ్చిందేమి కాదు. చాలా రోజుల నుంచి ఉన్నదే. పైగా.. ఇప్పుడున్న వేరియంట్ అగ్రెసివ్ గా లేదని డాక్టర్టు, శాస్త్రవేత్తలు చెబుతున్నారు. కాబట్టి చాలా నెమ్మదిగా వ్యాప్తి చెందే అవకాశం ఉంది. భవిషత్తులో వేరియెంట్ వేగంగా వ్యాపించేలా మారితే మాత్రం ప్రమాదమే అంటున్నారు ఎక్స్పర్ట్స్.
జంతువులకు హాని చేసే వైరస్‌‌లు చాలా ఉన్నాయి. వాటిలో చాలావరకు మనుషులకు ముప్పు కలిగించవు. పైగా ఒకరి నుంచి మరొకరికి వ్యాప్తి చెందే లక్షణాలు చాలా తక్కువగా ఉంటాయి. ఇప్పుడు కోళ్లలో కనిపిస్తున్న బర్డ్ ఫ్లూ వేరియెంట్ కూడా జంతువుల నుంచి జంతువులకు, మనుషులకు ఈజీగా సోకుతుంది. కానీ.. ఒకరి నుంచి మరొకరికి సోకే అవకాశం చాలా రేర్ అని చెబుతున్నారు. ఒకరు దగ్గినప్పుడు వచ్చే తుంపర్లు మరొకరి ముక్కు, నోరు ద్వారా లోపలికి వెళ్తే ఇది వ్యాపిస్తుంది. అంతేకానీ.. గాలిలో కలిసి వ్యాపించే లక్షణం దీనికి లేదు.
బర్డ్ ఫ్లూ.. ఏవియన్ ఇన్ఫ్లుయెంజా వైరస్. ఇది పక్షుల్లో వ్యాపిస్తుంది. ఇది ముందుగా బాతుల్లాంటి నీటి పక్షుల్లో పుట్టినట్టు నిపుణులు చెబున్నారు. అది మనుషులతో సహా ఏ జంతువుకైనా వ్యాపిస్తుంది. పక్షుల రెక్కలు, రెట్టలు, శరీర ద్రవాల ద్వారా ఇతర పక్షులకు వ్యాపిస్తుంది. పెంపుడు జంతువుల విషయానికి వస్తే.. ఈ వ్యాధి సోకితే.. బతకడం చాలా కష్టం.
బర్డ్ ఫ్లూ పక్షులకే కాదు మనుషులకూ కొంత ప్రమాదమే. అయితే.. లక్షణాలు మాత్రం కొందరిలో తేలికపాటిగా, మరికొందరిలో తీవ్రంగా కనిపిస్తుంటాయి. ఈ వ్యాధి సోకితే.. సాధారణంగా జ్వరం, దగ్గు, గొంతు నొప్పి, కండరాల నొప్పులు, కండ్లకలక, యాంగ్జైటీ, నిద్రలేకపోవడం లాంటి లక్షణాలు కనిపిస్తాయి. ఇది ప్రాణాంతకమా? అంటే.. కిడ్నీ సమస్యలు, గుండెపోటు, డయాబెటిస్.. లాంటి దీర్ఘకాలిక వ్యాధులు ఉన్నవాళ్లపై ఎక్కువ ఎఫెక్ట్ చూపిస్తుంది. ఆరోగ్యవంతులు కాస్త తొందరగానే కోలుకోవచ్చు. దీనివల్ల ప్రాణాలు పోయే ప్రమాదం తక్కువే. తీవ్రమైన లక్షణాలు ఉన్నవాళ్లలో శ్వాస తీసుకోవడంలో ఇబ్బందులు, న్యుమోనియా లాంటి వాటికి దారితీయొచ్చు. ఈ వ్యాధి లక్షణాలు మూడు నుండి ఐదు రోజుల వరకు ఉంటాయి. కొందరిలో మాత్రం పది రోజుల వరకు ఉండొచ్చు.
ఇదీ చదవండి: అల్లు అర్జున్ నిజంగానే రామ్ చరణ్ అన్ ఫాలో చేశాడా.. తెర వెనక అసలు స్టోరీ ఇదే..
ప్రస్తుతం మనదగ్గర బర్డ్ ఫ్లూ వ్యాప్తి ఎక్కువగా లేకపోయినప్పటికీ.. జాగ్రత్తగా ఉండడం మేలని డాక్టర్లు సూచిస్తున్నారు. కోళ్లను పెంచే రైతులు, వాటి లాజిస్టిక్స్ సిబ్బందికి ఈ వ్యాధి సోకే అవకాశం ఎక్కువగా ఉండడం వల్ల తగిన జాగ్రత్తలు తీసుకోవాలి. లక్షణాలు కనిపిస్తే.. వెంటనే డాక్టర్ని సంప్రదించాలి. ప్రత్యేకంగా బర్డ్ ఫ్లూకి ఎలాంటి వ్యాక్సిన్ లేదు. కానీ.. సాధారణ ఫ్లూ వ్యాక్సిన్ వేయించుకుంటే కొంతవరకు అడ్డుకోవచ్చు.
బర్డ్ ఫ్లూ రాకుండా ఉండాలంటే చికెన్ని ఇంట్లోనే శుభ్రంగా క్లీన్ చేసుకోవాలి. బాగా ఉడికించి తినాలి. చికెన్ని ఎక్కువ టెంపరేచర్స్లో ఉడికించడం వల్ల వైరస్ సోకే ప్రమాదం తగ్గుతుంది. బయట రెస్టారెంట్లలో వండింది తినకపోవడం చాలా బెటర్. ఎందుకంటే.. వాళ్లు ఎలా వండుతున్నారో మనకు తెలియదు. పర్సనల్ హైజీన్ కూడా ముఖ్యమే. చేతితో ముక్కు, నోరు తాకేముందు కచ్చితంగా క్లీన్ చేసుకోవాలి. ఇదేకాదు.. ఏ వైరస్ వచ్చినా చిన్నపిల్లలు, పెద్దవాళ్లు కాస్త ఎక్కువ జాగ్రత్తగా ఉండాలి. వైరస్ వ్యాప్తి ఎక్కువగా ఉండడం వల్ల కొందరు పిల్లలు దీన్ని తట్టుకోలేకపోవచ్చు. ఇక పెద్దవాళ్లలో రోగనిరోధక శక్తి తక్కువగా ఉండడం, రకరకాల అనారోగ్య సమస్యలు ఉండటం వల్ల ఎక్కువ లక్షణాలు కనిపిస్తాయి. కానీ.. మిడిలేజ్ వాళ్లు హెల్దీగా ఉండడం, అప్పటికే చాలా రకాల వైరస్లకు ఎక్స్పోజ్ అవ్వడం వల్ల.. కాస్త ఇమ్యూనిటీ ఎక్కువగా ఉంటుంది. దాంతో తొందరగా కోలుకుంటారు.
ఇదీ చదవండి: తాగుడుకు బానిసై సినీ కెరీర్ నాశనం.. 44 ఏళ్ల వయసులో స్టార్ హీరోయిన్ రెండో పెళ్లి..
ఇదీ చదవండి: వై టార్గెట్ చిరంజీవి.. ? మెగా ఫ్యామిలీని కావాలనే టార్గెట్ చేశారా..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
