ఏ క్షణంలో జిస్మ్ 2 సినిమాతో బాలీవుడ్‌లోకి అడుగుపెట్టిందో కానీ అప్పటి నుంచే సన్నీలియోన్ క్రేజ్ అమాంతం పెరిగిపోయింది. అసలు ఇండియాలో సన్నీలియోన్ సినిమాలను ఆదరిస్తారా లేదా అనే సందేహాల మధ్య మొదలైన ఆమె సినీ కెరీర్ ఇప్పుడు బాలీవుడ్‌లో టాప్ హీరోల సరసన తళుక్కుమనే రేంజ్‌కి ఎదిగింది. కెరీర్‌లో ఎంతమంది టాప్ స్టార్‌లతో సన్నీ లియోన్ సినిమాలు చేసిందనే సంగతిని కాసేపు పక్కనపెడితే, తాజాగా ఆమె ఖాతాలో మరో అరుదైన గౌరవం వచ్చిచేరింది. అదే మేడం టుస్సాడ్స్ మ్యూజియంలో సన్నిలియోన్ మైనపు బొమ్మ. అవును, ఎంతో సక్సెస్‌ఫుల్ కెరీర్ ఉండి, ఎంతో ఫ్యాన్ ఫాలోయింగ్ ఉన్న బాలీవుడ్ స్టార్స్ షారుఖ్ ఖాన్, సల్మాన్ ఖాన్, అమితాబ్ బచ్చన్, కత్రినాకైఫ్, కరీనా కపూర్ ఖాన్ వంటి స్టార్స్ సరసన సన్నీలియోన్‌కి సైతం చోటుదక్కింది.
ఢిల్లీలోని మేడం టుస్సాడ్స్ మ్యూజియంలో తాజాగా నిర్వాహకులు సన్నిలియోన్ మైనపు బొమ్మను ఆవిష్కరించారు. అది కూడా ఇంతకుముందెప్పుడు, ఎవ్వరికీ లేనివిధంగా సెంట్ సువాసనలు వెదజల్లే ప్రత్యేకత కేవలం సన్నిలియోన్ మైనపు బొమ్మకే సొంతం కావడం ఇక్కడ మరో విశేషం.
